IPL मध्ये अनोख्या सेलिब्रेशनमुळे वादग्रस्त ठरलेल्या दिग्वेश राठीचा भेदक मारा, 5 चेंडूत घेतल्या 5 विकेट; पाहा Video

आपल्या फिरकीच्या जादूने आणि विकेट घेतल्यानंतर सेलिब्रेशन करण्याच्या अनोख्या शैलीमुळे दिग्वेश राठी संपूर्ण IPL मध्ये चर्चेत होता. त्याला अनेक वेळा दंडीतही करण्यात आलं होतं. लखनऊ सुपर जायंट्स (LSG) कडून खेळताना त्याने दमदार कामगिरी केली. त्याची हीच गोलंदाजीची धार पुन्हा एकदा पाहायला मिळाली आहे. एका स्थानिक टी-20 सामन्यात त्याने 5 चेंडूंमध्ये 5 खेळाडूंना तंबुत धाडलं आहे. त्याचा व्हिडीओ सध्या सोशल मीडियावर जोरदार व्हायरल होत आहे.

स्थानिक टी -20 गेममध्ये डिग्व्ह रितीने 5 मध्ये 5 ने घेतलेल्या या क्लिपवर अडखळले. प्रतिभेची फक्त एक झलक ज्याने त्याला ब्रेकआउट स्टार बनविला @Lucknowipl आयपीएल 2025 मध्ये. pic.twitter.com/i8739cjxpk

– डॉ. संजीव गोएन्का (@drsanjivgoenka) 16 जून, 2025

लखनऊ सुपर जायंट्स संघाचे मालक संजीव गोएंका यांनी दिग्वेश राठीचा व्हिडीओ शेअर केला आहे. एका लोकल सामन्यामध्ये विरोधी संघाला जिंकण्यासाठी 36 चेंडूंमध्ये 113 धावांची गरज होती. 151 धावांवर 5 विकेट अशी त्यांची अवस्था होती. तेव्हा दिग्वेशच्या हातात चेंडू सोपवण्यात आला. त्याने 15 व्या षटकामध्ये पाच चेंडूंमध्ये पाच विकेट घेतल्या आणि 151 या धावसंख्येवरच फलंदाजी करणारा संपूर्ण संघ बाद झाला. त्याचा व्हिडीओ लखनऊ सूपर जायंट्स आणि संघ मालक संजीव गोएंका यांनी सुद्धा शेअर केला आहे.