राहुरी तालुक्यातील गुहा येथे नगर-मनमाड मार्गावर असलेल्या दोन हॉटेलमध्ये गोवंशीय जातीचे शिजलेले मांस आढळून आले. हा धक्कादायक प्रकार हिंदुत्व वादी कार्यकर्त्यांच्या सतर्कते मुळे उघडकीस आला आहे. या प्रकरणी 6750 रुपयांचे 45 किलो गोवंश जातीचे मांस जप्त करून हॉटेल मालकांविरुद्ध राहुरी पोलिसांत गुन्हा दाखल करण्यात आला आहे. रविवारी (दि. 15) राहुरी पोलीस ठाण्यात नगर-मनमाड रस्त्यावरील गुहा शिवारातील हॉटेल राणी मेवात व हॉटेल मेवात येथे मांस विक्री करण्यात होत असल्याचा कॉल आल्यानंतर पोलिसांनी घटनास्थळी धाव घेतली. हॉटेल मेवात व हॉटेल राणी मेवात येथे एक इसम एका पातेल्यातून शिजलेले मांस बाहेर काढीत असताना आढळून आला. मोहम्मद अली मोहम्मद सहुन (रा. नई, ता. जि. मेवात, हरियाणा) असे त्याचे नावआहे. चौकशीत त्याने पातेल्यात गोवंशीय जातीचे मांस असल्याची माहिती पोलिसांना दिली. या वेळी पोलिसांनी दोन्ही कारवाईत 6 हजार 650 रुपये किमतीचे 45 किलो गोवंश जनावरांचे गोमांस करून जप्त करत त्यातील काही मांस केमिकल तपासणीकरिता राखीव ठेवून उर्वरित मांस जागीच नष्ट केले आहे. पोलीस नाईक प्रवीण बागुल यांच्या फिर्यादीवरून हॉटेल राणी मेवात व हॉटेल मेवातचा मालक मोहम्मद अली मोहम्मद सहुन याच्या विरुद्ध गुन्हा दाखल केला. पोलीस निरीक्षक संजय ठेंगे यांच्या मार्गदर्शनाखाली तपास सुरू आहे.
Comments are closed.