ऑरियनप्रो आंतरराष्ट्रीय ज्युनियर बुद्धिबळ स्पर्धेत चुरस कायम असून तिसऱ्या फेरीअखेर 12 खेळाडूंनी संयुक्तरीत्या आघाडी घेतली आहे. मुंबई येथील वर्ल्ड ट्रेड सेंटर येथे सुरू असलेल्या स्पर्धेत तिसऱ्या फेरीत परदेशी ग्रँडमास्टर्सनी कमालीचे सातत्य राखताना ग्रँडमास्टर विभागात वर्चस्व कायम राखले आहे. अव्वल मानांकित ग्रँडमास्टर लेवन पंतसुलिया, दुसरा मानांकित ग्रँडमास्टर मॅन्युएल पेट्रोस्यान आणि तिसरा मानांकित ग्रँडमास्टर लुका पायचाडझे यांनी आपापल्या प्रतिस्पर्ध्यांवर सहज विजय मिळवले. तिसऱ्या फेरीत दहाव्या बोर्डवर धक्कादायक निकालाची नोंद झाली. त्या सामन्यात गुरू प्रकाशने हिंदुस्थानी ग्रँडमास्टर दीपन चक्रवर्तीला बरोबरीत रोखले.
Comments are closed.