Ish षभ पंत: यशस्वी जयस्वाल आणि शुबमन गिलनंतर भारताचा स्टार यष्टीरक्षक-डावखुरा फलंदाज रिषभ पंतनेही लीड्समध्ये (Leeds) बॅटने धमाका केला. पंतने सामन्याच्या दुसऱ्या दिवशी शानदार फलंदाजी करत दमदार शतक झळाकवले. पंतने या सामन्यात 134 धावांची शानदार खेळी केली. बाद होण्यापूर्वी पंतने एक मजेशीर गोष्ट बोलली, जी स्टंप माइकमध्ये कैद झाली आहे. (Rishabh Pant Stump Mic Video)
रिषभ पंतने ही प्रतिक्रिया आपली विकेट पडण्याच्या अगदी आधी दिली होती. या प्रतिक्रियेनंतर लगेचच पुढच्या चेंडूवर जोशुआ टंगने पंतची विकेट घेतली. पंत आपली विकेट पडण्यापूर्वी टंगच्या एका चेंडूने खूपच त्रस्त झाला होता. पंतला त्रास देण्यासाठी इंग्लंडचा वेगवान गोलंदाज जोशुआ टंग वारंवार त्याच्या पॅडवर चेंडू टाकत होता. टंगच्या सतत पॅडवर हल्ल्यामुळे त्याला दुखापतही झाली. जोशुआ टंगच्या याच चेंडूने त्रस्त होऊन पंतने आपला सहकारी खेळाडू रवींद्र जडेजाला “अरे यार, हा वारंवार एकाच जागी मारत आहे, मारून-मारून सुजवून टाकले आहे.” (Pant Funny Conversation)
पंतची ही मजेशीर गोष्ट स्टंप माइकवर रेकॉर्ड झाली आहे. आता त्याचा हा व्हिडिओ सोशल मीडियावर (Social Media) वेगाने व्हायरल होत आहे. पंतने हे विधान केल्यानंतर लगेचच पुढच्या चेंडूवर टंगने पुन्हा त्याच्या पॅडवर लक्ष्य केले आणि यावेळी पंत विकेटसमोर होता. पॅडवर चेंडू लागल्यानंतर टंगने जोरदार अपील केली, ज्यावर पंचांनी त्याला बाद घोषित केले.
लीड्समधील हे शतक पंतसाठी खूप खास बनले आहे. त्याने आज (21 जून) आपल्या कसोटी कारकिर्दीतील सातवे शतक झळकावले आहे. यासोबतच, पंत भारतासाठी यष्टीरक्षक-फलंदाज म्हणून सर्वाधिक शतके ठोकणारा खेळाडू बनला आहे. त्याने महेंद्रसिंग धोनीच्या 6 कसोटी शतकांना मागे टाकले आहे. पंतच्या खेळीबद्दल बोलायचे झाल्यास, त्याने या सामन्यात बॅटने धमाकेदार खेळी केली. पंतने इंग्लंडच्या गोलंदाजांवर वर्चस्व गाजवत शतकी खेळी केली. पंतने इंग्लंडविरुद्धच्या पहिल्या डावात 178 चेंडूंचा सामना केला. ज्यात त्याने 12 चौकारांसह 6 गगनचुबी षटकार ठोकत 134 धावा केल्या. (Most Test Centuries Wicketkeeper India)
Comments are closed.