मुंबईत सकाळी बेस्ट बस आणि टेम्पोमध्ये अपघात झाला. या अपघातामुळे वाहतूक कोंडी निर्माण झाली होती. पहाटेच्या सुमारास हा अपघात झाला होता, पोलिसांनी वेळीच धाव घेत वाहतूक कोंडी दूर केली. सुदैवाने यात कोणीही जखमी झालेले नाही.
मिळालेल्या माहितीनुसार, टेम्पो चालकाने अचानक ब्रेक लावल्यामुळे बेस्टची बस पाठीमागून आदळली. सुदैवाने या अपघातात कोणीही जखमी झाले नाही आणि बसमधील सर्व प्रवासी सुरक्षित होते. मात्र, या अपघातामुळे परिसरात काही वेळ वाहतुकीचा खोळंबा झाला होता. अपघातानंतर काही वेळातच मुंबई वाहतूक पोलीस घटनास्थळी दाखल झाले आणि दोन्ही वाहने रस्त्यावरून हटवण्यात आली.
Comments are closed.