परीक्षा विभागाच्या गोंधळावरू युवासेना आक्रमक, सिनेट सदस्यांचे प्र कुलगुरूंच्या दालनाबाहेर धरणे आंदोलन

मुंबई विद्यापीठाच्या परीक्षा विभागात सातत्याने होत असलेला गोंधळासाठी जबाबदार परीक्षा व मूल्यमापन संचालक डॉ. पूजा रौंदळे यांचा राजीनामा घेऊन त्यांना पदावरून मुक्त करावे तसेच रुसा या शैक्षणिक उपक्रमाला जागा देण्याचा निर्णय तात्काळ रद्द करावा, अशी मागणी करत युवासेना सिनेट सदस्यांनी आज प्र-कुलगुरु डॉ. अजय भामरे यांच्या दालनाबाहेर धरणे आंदोलन केले. हे आंदोलन रात्री उशिरापर्यंत सुरू होते.

मुंबई विद्यापीठात शैक्षणिक तसेच इतर अनेक बाबतीत मोठे गोंधळ होत असून याला विद्यापीठाचा भोंगळ कारभार कारणीभूत आहे. याबाबत युवासेना सिनेट सदस्यांनी वारंवार आवाज उठवला आहे. मुंबई विद्यापीठाच्या परीक्षा विभागात सातत्याने होत असलेल्या गोंधळाबाबत शिवसेना नेते युवासेनाप्रमुख आमदार आदित्य ठाकरे यांच्या सूचनेनुसार युवासेना सिनेट सदस्य उपनेत्या शीतल शेठ-देवरुखकर, प्रदीप सावंत, मिलिंद साटम, डॉ. धनराज कोहचडे, परमात्मा यादव, अल्पेश भोईर आणि माजी सिनेट सदस्य राजन कोळंबेकर यांनी प्र कुलगुरु डॉ. अजय भामरे यांच्या दालनाजवळ धरणे आंदोलन केले. यावेळी परीक्षेतील गोंधळाला जबाबदार असलेल्या परीक्षा व मूल्यमापन संचालक डॉ. पूजा रौंदळे यांचा राजीनामा घेऊन त्यांना पदावरून मुक्त करावे, अशी मागणी करण्यात आली