अमेरिकेच्या हाउस ऑफ रिप्रझेंटेटिव्ह्ज (कनिष्ठ सभागृह) ने सरकारी डिव्हाइसेसवर व्हॉट्सअ‍ॅप वापरण्यावर बंदी घातली आहे. यामागे सायबर सुरक्षा आणि डेटा प्रायव्हसी संदर्भातील चिंता असल्याचे सांगितले गेले आहे. या बंदीनंतर आता अमेरिकन काँग्रेसचे कर्मचारी सरकारी मोबाईल किंवा कॉम्पुटरवर व्हॉट्सअ‍ॅप किंवा त्याचा वेब वर्जन वापरू शकणार नाहीत. त्याऐवजी त्यांना Microsoft Teams, Signal, iMessage आणि FaceTime सारख्या अ‍ॅप्स आणि सॉफ्टवेअरचा वापर करण्यास सांगितले आहे.
अमेरिकन हाउसच्या चीफ अ‍ॅडमिनिस्ट्रेटिव्ह ऑफिसर (CAO) च्या अहवालानुसार, व्हॉट्सअ‍ॅपमध्ये पारदर्शकता नाही. कंपनी युजरचा डेटा कसा स्टोअर करते आणि कसा सुरक्षित ठेवते याबाबत कंपनी माहिती देत नाही. म्हणूनच हे अ‍ॅप वापरणे धोक्याचे असल्याचे सरकारने म्हटले आहे. त्यामुळे सरकारी डिव्हाइसेसवर याच्या वापरावर बंदी घालण्यात आली आहे. कोणत्याही सरकारी मशीन्सवर व्हॉट्सअ‍ॅप वापरता .येणार नाही असे CAO ईमेल करून स्पष्ट केले आहे.
असे असले तरी सामान्य नागरिक व्हॉट्सॅप वापरू शकतात. ही बंदी फक्त अमेरिकन काँग्रेसच्या कर्मचारी आणि अधिकाऱ्यांवरच लागू आहे. आता ते सरकारी डिव्हाइसेसवर ना व्हॉट्सअ‍ॅप डाउनलोड करू शकतील, ना त्याचा वेब वर्जन उघडू शकतील.
व्हॉट्सअॅपची कंपनी मेटाने या निर्णयावर नाराजी व्यक्त केली आहे. कंपनीचे माजी प्रवक्ते अँडी स्टोन यांनी सोशल मीडियावर पोस्ट करत लिहिले की, “आम्ही या निर्णयाशी सहमत नाही.” व्हॉट्सअ‍ॅपवर पाठवले जाणारे सर्व मेसेज एंड-टू-एंड एन्क्रिप्टेड असतात, म्हणजे तिसऱ्या व्यक्तीला हे मेसेजस वाचता येत नाही, अगदी कंपनीलाही. व्हॉट्सअॅपची सुरक्षा इतर अ‍ॅप्सच्या तुलनेत अधिक मजबूत आहे आणि ते युजरच्या गोपनीयतेची विशेष काळजी घेते असेही स्टोन यांनी सांगितले की.
Comments are closed.