पत्नीच्या त्रासाला कंटाळून पतीचं टोकाचं पाऊलं; पैशांची मागणी अन् अश्लील व्हिडीओ; संभाजीनगरमधील

<पी शैली ="मजकूर-संरेखित: न्याय्य;">छत्रपती संभाजीनगर: बातमी छत्रपती संभाजीनगरमधून आहे. छत्रपती संभाजीनगर ग्रामीण पोलीस दलातील एका पोलीस कर्मचाऱ्यामुळे हरियाणा रोहतक येथील एका विवाहीत व्यक्तीने आत्महत्या केल्याची धक्कादायक घटना घडली आहे. या तरुणाच्या पत्नीचं पोलीस कर्मचाऱ्यासोबत विवाहबाह्य संबंध होते. दोघांनी अश्लील कृत्ये आणि डान्स करतानाचा व्हिडीओ तयार केला होता. त्यानंतर हा व्हिडिओ पत्नीने तिच्या मृत विवाहित व्यक्तीला पाठवला होता. त्यानंतर, नैराश्यामुळे पतीने 3 दिवसांपूर्वी गळफास लावून आत्महत्या केल्याची माहिती समोर आली आहे.

विशेष म्हणजे आत्महत्या करण्यापूर्वी तरुणाने एक व्हिडिओ बनवला होता. ज्यामध्ये त्याने आरोप केला होता की, त्याची पत्नी दिव्या आणि तिचा बॉयफ्रेंड जो छत्रपती संभाजीनगर ग्रामीण पोलीस दलात आहे, हे दोघे मिळून त्याला मानसिक त्रास देत होते. पत्नी दिव्या त्याला त्याच्या वडिलांना मारण्यास आणि वडिलोपार्जित जमीन विकण्यास सांगत होती. पोलिस बॉयफ्रेंडला बढतीसाठी पैशांची आवश्यकता होती, त्यासाठी ती पतीला ब्लॅकमेल करत होती. व्हिडिओमध्ये या तरुणाने पोलिसांकडे मागणी केली होती की, त्याची पत्नी आणि बॉयफ्रेंडवर कठोर कारवाई करावी. याप्रकरणी छत्रपती संभाजीनगर ग्रामीण पोलिसांनी दिलेल्या माहितीनुसार, संशयित पोलीस कर्मचारी दोन दिवसांपूर्वी पंधरा दिवसांची रजा टाकून गायब झाला आहे. या सर्व प्रकरणात हरियाणा पोलिसांकडून रीतसर तक्रार आल्यास पुढील कायदेशीर कारवाई केली जाईल असं संभाजीनगर ग्रामीण पोलिसांकडून सांगण्यात आला आहे.

नेमकं प्रकरण काय?

हरियाणामध्ये विवाहीत व्यक्तीने आत्महत्या केली. हे टोकाचं पाऊल उचलण्यापूर्वी त्याने एक व्हिडिओ बनवला ज्यामध्ये त्याने आपल्या पत्नीवर विश्वासघाताचा आरोप केला. त्याने असेही म्हटले आहे की त्याची पत्नी आणि तिचा प्रियकर त्याच्यावर त्याच्या वडिलांना मारण्यासाठी दबाव आणत होते जेणेकरून जमीन विकता येईल. सध्या या प्रकरणाचा तपास सुरू आहे. आत्महत्या करण्यापूर्वी मगनच्या पत्नीने त्याला तिचा आणि तिच्या प्रियकराचा एक व्हिडीओ पाठवला होता. ही घटना हरियाणातील दोभ गावात घडली. मीडिया रिपोर्ट्सनुसार, मृताच्या कुटुंबाचे म्हणणे आहे की, त्याच्या पत्नीने त्याला एक व्हिडिओ पाठवला होता, त्यानंतर तो खूप अस्वस्थ झाला. यामुळे धक्का बसून त्याने गेल्या आठवड्यात गळफास लावून आत्महत्या केली.

जीवन संपवण्यापूर्वी त्याने काय सांगितले?

विवाहित व्यक्तीने जीवन संपवण्यापूर्वी सांगितले की, त्याची पत्नी आणि तिचा प्रियकर त्याला मानसिक त्रास देत आहेत आणि पैशाची मागणी करत आहेत. त्याने व्हिडिओमध्ये सांगितले आहे की तिचा प्रियकर महाराष्ट्र पोलिस दलात कामाला आहे आणि तो संभाजीनगरचा रहिवासी आहे. त्याने पोलिसांकडून कडक कारवाई करून आपल्या मुलाला त्याच्या आजी-आजोबांसोबत राहू द्या अशी इच्छा जीवन संपवण्यापूर्वी व्यक्त केली आहे. त्याने दिव्याचे आधीच लग्न झाले होते, असेही त्या व्हिडीओमध्ये सांगितले आहे. 18 जून रोजी त्याचा मृतदेह गावातील एका झाडाला लटकलेल्या अवस्थेत आढळला.

व्हिडिओमध्ये तो म्हणाला, माझी पत्नी आणि तिचा प्रियकर, जो औरंगाबाद (संभाजीनगर) येथील आहे आणि पोलिस दलात तो काम करतो, त्यांच्यामुळे मी आत्महत्या करत आहे. त्यांनी मला खूप त्रास दिला आहे. ते माझ्याकडून पैसे मागतात.’ आज दोघेही इगतपुरीतील एका खोलीत एकत्र आहेत आणि म्हणत आहेत की तुझ्या वडिलांना मार आणि नावावर असलेली जमीन विकून मुंबईत जमीन खरेदी कर. मी हे करू शकत नाही, म्हणून मी स्वतः आत्महत्या करत आहे.

त्याने सांगितले की त्याची पत्नी आणि तिच्या बॉयफ्रेंडच्या प्रमोशनसाठी पैशांसाठी माझ्यावर दबाव आणत होती. तिच्या बॉयफ्रेंडला प्रमोशनसाठी 5 लाख रुपये हवे होते, त्यासाठी त्याने माझ्यावरही दबाव आणला. मी गहू विकला आणि दिव्याला दीड लाख रूपये दिले आणि 9 जुलै रोजी मी माझ्या हातीतील सोन्याचा कडा एका सोनाराकडे गहाण ठेवलं आणि पत्नीच्या खात्यात 2 लाख रुपये ट्रान्सफर केले. आमच्या घरी एक कागद आहे, ज्यामध्ये संपूर्ण ट्रांजेक्शन हिस्ट्री आहे. आता ते दीड लाख रुपये मागत आहेत आणि म्हणत आहेत की मी माझ्या वडिलांनाही मारून टाकावे… या दोघांमुळे मी आत्महत्या करत आहे…’, असंही जीवन संपवण्यापूर्वी त्या व्यक्तीने म्हटलं आहे.