आजकालच्या आधुनिक टीव्ही स्क्रीन जसे की LED, OLED किंवा QLED हे फक्त नाजूकच नाहीत, तर महागडेसुद्धा असतात. या स्क्रीनवर अँटी ग्लेअर कोटिंग असतं जे स्क्रीनला अधिक स्पष्ट बनवतं. थोडीशी असावधता आणि चुकीचं साफसफाईचं पद्धत वापरल्यास ही कोटिंग नष्ट होऊ शकते, ज्यामुळे स्क्रीनची चमक कमी होते, स्क्रॅचेस पडतात आणि अखेर संपूर्ण टीव्ही खराब होण्याची वेळ येते. (how to clean tv screen safe methods in marathi)
आपल्या घरात अनेकदा आपण सहज उपलब्ध वस्तू वापरून टीव्ही स्क्रीन पुसतो, जसं की पेपर टॉवेल, टिश्यू पेपर, वाइप्स, किंवा अगदी काचेचा क्लीनर. पण हे सर्व पदार्थ टीव्हीच्या नाजूक कोटिंगसाठी घातक ठरू शकतात. पेपर टॉवेलमधील खडबडीत रचना स्क्रीनवर सूक्ष्म स्क्रॅच निर्माण करते, तर काचेच्या क्लीनरमध्ये असलेले अमोनिया आणि अल्कोहोलसारखे घटक स्क्रीनच्या सुरक्षाकवचावर परिणाम करू शकतात.
खडबडीत कापड, स्वयंपाकघरातील स्पंज, वाइप्स किंवा पावडर क्लिनर यांचा वापर केल्यास टीव्ही स्क्रीनचे आयुष्य लवकरच संपुष्टात येऊ शकते. अशा कापडांमध्ये धूळ आणि किरकोळ कण अडकलेले असतात, जे घासल्यावर स्क्रीनवर कायमचे ओरखे ठेवतात. त्याचप्रमाणे थेट स्क्रीनवर कोणतेही द्रव फवारणे हे सुद्धा अत्यंत धोकादायक ठरू शकते, कारण त्यामधून पाणी टीव्हीच्या इलेक्ट्रॉनिक भागांमध्ये जाऊ शकते.
मग काय वापरावं?
सर्वात सुरक्षित आणि सोपा उपाय म्हणजे मायक्रोफायबर कापड. हे कापड मऊ असते आणि स्क्रीनची कोटिंग खराब न करता साफसफाई करतो. जर स्क्रीनवर जास्त डाग असतील, तर कापड थोडं ओलसर करून वापरता येईल. पण पाणी किंवा क्लीनर थेट स्क्रीनवर कधीही स्प्रे करू नका.
Comments are closed.