पाचव्या टेस्टमध्ये टीम इंडिया पराभवाच्या उंबरठ्यावर उभी आहे. सामन्याचा एक पूर्ण दिवस शिल्लक आहे आणि इंग्लंड केवळ 35 धावांवर विजयाच्या दारात आहे. मालिकेत 2-2 अशी बरोबरी साधण्यासाठी आता भारताला एखाद्या चमत्काराची गरज आहे. चौथ्या दिवशी हैरी ब्रूक आणि जो रूट या जोडीने सामना एकतर्फी करून टाकला. त्यांनी मिळून 195 धावांची भागीदारी रचली. मात्र, कर्णधार कर्णधार गिलकडून मैदानावर मोठी चूक झाली, जी गौतम गंभीरच्याही लक्षात आली नाही. आर. अश्विनने चौथ्या दिवशी झालेल्या मोठ्या चुकीचा खुलासा केला आहे.
आर. अश्विनने आपल्या यूट्यूब चॅनेलवर बोलताना धावांवर नियंत्रण मिळवण्यासाठी वॉशिंगटन सुंदरचा वापर न केल्याबद्दल प्रश्न उपस्थित केले. अश्विनने ही गोष्ट कर्णधार शुबमन गिलकडून झालेली मोठी चूक असल्याचं म्हटलं.
ते म्हणाले, “स्पिनर्सचा वापर न झाल्याच्या मुद्द्यावर परत येतो. मला वाटते की या मालिकेत खेळाबाबतची जागरूकता अनेक प्रकारांनी खूपच कमी दिसून आली. मैदानावर आणि मैदानाबाहेरही आपली रणनीती प्रभावी ठरली नाही. त्यामुळेच इंग्लंड पुढे आहे आणि भारतीय संघ मागे पडला आहे. मला वाटते की शुबमन गिल चांगले कर्णधार होतील. ते अजून शिकत आहेत. पण अनेकदा जेव्हा तुम्ही स्पिन गोलंदाजी चांगली खेळता, तेव्हा तुम्ही स्पिनर्सना आक्रमणावर आणत नाही. जेव्हा योग्य वेळी या परिस्थितीत स्पिनर्सचा वापर केला जात नाही, तेव्हा स्पिनर्स केवळ बचावात्मक पर्याय बनून राहतात.”
माजी ऑफस्पिनर पुढे म्हणाले, “जेव्हा हैरी ब्रूकने आक्रमक फलंदाजी सुरू केली, तेव्हा तुम्ही 20 धावांनंतर तरी धावांवर नियंत्रण मिळवण्यासाठी स्पिनर्सना आक्रमणावर आणू शकत होता. दुसऱ्या टोकाकडून एखादा वेगवान गोलंदाज गोलंदाजी करत राहिला असता. हे लक्षात घेता वॉशिंगटन सुंदरला लवकर गोलंदाजीस आणायला हवे होते.”
Comments are closed.