मिसोफोनिया हे मानसिक तणाव आणि रागाचे कारण आहे

ध्वनिने निर्माण संतापामुळे प्रत्येक  5 वा व्यक्ती प्रभावित

विविध कारणांमुळे निर्माण होणारे आवाज मानसिक तणाव, क्रोध आणि घबराटीचे कारण ठरू शकतात. अशीच एक मनोवैज्ञानिक स्थिती असून तिला मिसोफोनिया नाव असून ती आता वैद्यकीयशास्त्रासाठी गंभीर आव्हान ठरली आहे. हा विकार 5 पैकी एका व्यक्तीला प्रभावित करू शकते, परंतु याची ओळख पटविणे आणि उपचारावरून जागरुकता अत्यंत मर्यादित असल्याचे तज्ञांचे सांगणे आहे.

मिसोफोनिया एक श्रवण प्रतिक्रिया विकार असून यात व्यक्तीला काही विशेष आवाजाबंद्दल तीव्र नकारात्मक प्रतिक्रिया होते. हे आवाज सर्वसाधारणपणे कुणी चघळणे, श्वसन, पेनाने लिहिणे किंवा घड्याळाची टिकटिक यासारखे दैनंदिन स्वरुपाचे असू शकतात. या आवाजांमुळे प्रभावित व्यक्तीमध्ये संताप, घृणा, अस्वस्थता, मानसिक अशांती  यासारख्या प्रतिक्रिया दिसून येतात. या विकाराला सर्वप्रथम 2000 साली डॉक्टर पावेल जास्त्रsबॉफ यांनी परिभाषित केले होते. परंतु 20 व्या शतकातील अनेक मनोवैज्ञानिक अहवालांमध्ये याचा अप्रत्यक्ष उल्लेख मिळत राहिला आहे. मिसोफोनियाने ग्रस्त लोकांच्या मेंदूत ऑडिटरी आणि इमोशनल प्रोसेसिंग सेंटरदरम्यान अधिक संपर्क होतो, असे  अध्ययनात आढळून आले आहे.

मिसोफोनियाची लक्षणे

मिसोफोनियाच्या लक्षणांची तीव्रता व्यक्तीच्या ध्वनींवर प्रतिक्रियेच्या प्रकाराने निर्धारित होते. भावनात्मक प्रतिक्रियेत चिडचिडेपणा, संताप आणि घबराट समोर येते. शारीरिक प्रतिक्रियेदरम्यान हृदयाचे ठोके तीव्र होतात आणि स्नायूदुखी निर्माण होते. व्यवहारिक प्रतिक्रियेत पीडित त्या स्थळावरून निघून जातो किंवा कानांवर हात घेतो. कधीकधी क्रोधाने युक्त तीव्र प्रतिक्रियाही समोर येते.

अशाप्रकारची असते समस्या

वैज्ञानिक स्वरुपात आतापर्यंत याचे स्पष्ट जैविक कारण ठरलेले नाही, परंतु मेंदूत ध्वनिला प्रोसेस करणाऱ्या हिस्स्यादरम्यान असामान्य संबंध याचे एक कारण ठरू शकते असे संकेत न्यूरोलॉजिकल रिसर्च देतात. मेंदू काही सामान्य ध्वनींना धोक्याच्या संकेताच्या स्वरुपात प्रोसेस करतो, यामुळे फाइट किंवा फ्लाइट प्रतिक्रिया सुरू होते.