टीम इंडिया एशिया कप 2025 अद्यतनः टीम इंडियामध्ये आता नवा अध्याय सुरू झाला आहे. गौतम गंभीर मुख्य प्रशिक्षकपदाची सूत्रं हातात घेतल्यानंतर, त्यांचं अजून एक मिशन ठरतंय आशिया कप 2025. आणि या मोहिमेत त्यांचं लक्ष्य अगदी स्पष्ट आहे, पाकिस्तानला धूळ चारायची. भारतीय क्रिकेट नियामक मंडळ (BCCI) ने संकेत दिले आहेत की, आशिया कप 2025 साठी ऑगस्टच्या तिसऱ्या आठवड्यात भारतीय संघाची घोषणा करू शकते.
संघात यशस्वी जैस्वाल, शुभमन गिल आणि साई सुदर्शन यांना संधी मिळू शकते. यशस्वी आणि शुभमन यांनी व्यस्त वेळापत्रकामुळे मागील काही टी-20 सामने खेळले नव्हते, मात्र इंग्लंडविरुद्ध 5 कसोटी सामन्यांची मालिका पूर्ण केल्यानंतर आता त्यांच्याकडे एक महिन्याचा विश्रांती कालावधी आहे. या काळात ते पुन्हा मैदानात उतरण्यासाठी सज्ज होऊ शकतात.
साई सुदर्शनने आयपीएल 2025 मध्ये जबरदस्त कामगिरी केली होती. त्याने 15 सामन्यांत 156.17 च्या स्ट्राइक रेटने 759 धावा केल्या, ज्यात 1 शतक आणि 6 अर्धशतके होती. या कामगिरीमुळे त्याने ऑरेंज कॅपही जिंकली होती आणि अनेक माजी खेळाडूंनी त्यांच्या फलंदाजीची स्तुती केली होती.
संभाव्य संघ निवड आणि प्रमुख मुद्दे
निवड समितीला यंदा 17 खेळाडूंची निवड करण्याची परवानगी देण्यात आली आहे. एका सूत्राने सांगितले की, “पाच आठवडे क्रिकेटपासून विश्रांती मिळणार आहे, त्यामुळे जरी अभिषेक शर्मा व संजू सॅमसनने उत्तम कामगिरी केली असली तरी यशस्वी, शुभमन आणि साई सुदर्शन यांना संधी मिळायला हवी.” दुसरीकडे, जसप्रीत बुमराह आणि मोहम्मद सिराज यांच्या उपलब्धतेवर सध्या प्रश्नचिन्ह आहे. संघ निवडण्यापूर्वी त्यांची फिटनेस टेस्ट होण्याची शक्यता आहे. यशस्वी, शुभमन आणि साई सुदर्शन हे तिघेही भारताच्या टॉप ऑर्डरसाठी महत्वाचे पर्याय ठरू शकतात, जे सामन्याच्या सुरुवातीलाच संघाला आघाडी मिळवून देऊ शकतात.
बुमराह-सिराजची उपलब्धता हा एक मोठा मुद्दा….
आशिया कप युएईमध्ये होणार आहे आणि तेथील खेळपट्ट्या आणि सहा महिन्यांनंतर होणारा टी-20 वर्ल्ड कप पाहता, यशस्वी, गिल आणि सुधरसन हे तार्किकदृष्ट्या टॉप ऑर्डरमधील महत्त्वाचे खेळाडू असू शकतात. पण, सर्वात मोठी समस्या म्हणजे वेगवान गोलंदाज जसप्रीत बुमराह आणि मोहम्मद सिराज यांची उपलब्धता. वेगवेगळ्या फॉरमॅटमधील कामाचा ताण लक्षात घेता दोन्ही गोलंदाजांचे काळजीपूर्वक व्यवस्थापन करण्यात आले आहे आणि निवड बैठकीपूर्वी त्यांचे फिटनेस मूल्यांकन होण्याची अपेक्षा आहे.
भारताचा आशिया कप 2025 ग्रुप आणि सामने
भारत ग्रुप A मध्ये आहे. या गटात पाकिस्तान, ओमान आणि युएई यांचा समावेश आहे. भारताचे सामने पुढीलप्रमाणे आहेत :
- 10 सप्टेंबर : भारत विरुद्ध युएई – दुबई (सायं. 7:30 वाजता)
- 14 सप्टेंबर : भारत विरुद्ध पाकिस्तान – दुबई (सायं. 7:30 वाजता)
- 19 सप्टेंबर : भारत विरुद्ध ओमान – अबू धाबी (सायं. 7:30 वाजता)
ग्रुप स्टेजनंतर दोन्ही गटांतील अव्वल दोन संघ सुपर-4 फेरीत प्रवेश करतील. यात भारत-पाकिस्तान सामना पुन्हा पाहायला मिळण्याची शक्यता आहे. 28 सप्टेंबर रोजी दुबई इंटरनॅशनल स्टेडियममध्ये अंतिम सामना खेळवला जाईल.
आशिया कप 2025 साठी भारताची संभाव्य संघ –
यशस्वी जैस्वाल, शुभमन गिल, साई सुदर्शन, अभिषेक शर्मा, संजू सॅमसन, सूर्यकुमार यादव (कर्णधार), श्रेयस अय्यर, तिलक वर्मा, हार्दिक पांड्या, अक्षर पटेल, वॉशिंग्टन सुंदर, वरुण चक्रवर्ती, अर्शदीप सिंग, जसप्रीत बुमराह आणि मोहम्मद सिराज.
आणखी वाचा
Comments are closed.