सकाळी राखी बांधली, रात्री त्याच बहीणीवर अत्याचार; नात्याला काळीमा फासणारी घटना, नेमकं काय घडलं?

गुन्हेगारीच्या बातम्या: उत्तर प्रदेशातील औरैया याठिकाणी एका भावाने भावा-बहिणीच्या नात्याला काळीमा फासणारं कृत्य केलं आहे. भावाने रक्षाबंधनाच्या दिवशी आपल्या अल्पवयीन बहिणीकडून राखी बांधली. नंतर त्याच रात्री त्याने आपल्या बहिणीवरती अत्याचार केला. त्यानंतर, आपलं पितळ उघड पडेल या भीतीने, त्याने आपल्या अल्पवयीन बहिणीची गळा दाबून हत्या केली. त्यानंतर त्याने सर्वांची दिशाभूल करण्याचा प्रयत्न देखील केला. पोलिसांनी घटनेचा खुलासा केला आहे त्याचबरोबर बलात्कारी आणि खुनी भावाला अटक देखील केली आहे.

हे संपूर्ण प्रकरण औरैयाच्या बिधुना पोलीस स्टेशन परिसरातील आहे. 10 ऑगस्ट रोजी पोलीस स्टेशन परिसरातील एका गावात संशयास्पद परिस्थितीत 14 वर्षांच्या मुलीचा मृतदेह आढळल्याने खळबळ उडाली होती. मृतदेह सापडल्यानंतर मृत अल्पवयीन मुलीच्या वडिलांनी आपल्या मुलीवर बलात्कार आणि हत्येची माहिती पोलिसांना दिली. घटनेची माहिती मिळताच पोलिसांना घटनास्थळी पोहोचले आणि मृतदेह पोस्टमॉर्टमसाठी पाठवला.

यानंतर पोलिसांनी पुढील तपास करून कारवाई सुरू केली. पोलीस अधीक्षक अभिजीत आर शंकर यांनी माहिती दिली की, 10 ऑगस्ट रोजी बिधुना कोतवाली पोलिसांना माहिती मिळाली की, परिसरातील एका गावातील एका घरात 14 वर्षीय मुलीचा मृतदेह संशयास्पद परिस्थितीत आढळला आहे. माहिती मिळताच बिधुना कोतवाली पोलिसांनी घटनास्थळी धाव घेतली आणि मृताचा मृतदेह शवविच्छेदनासाठी पाठवला.

पोस्टमॉर्टम रिपोर्टमध्ये मृत महिलेवर बलात्कार झाल्याची पुष्टी झाली. पोलिस अधीक्षकांनी सांगितले की बलात्कारानंतर तिचा गळा दाबून खून करण्यात आला. यानंतर, बिधुना कोतवाली पोलिस आणि घटनेच्या तपासावेळी अनेक संशयितांना ताब्यात घेतले आणि त्यांची चौकशी केली. चौकशीदरम्यान, मृत मुलीच्या काकाचा मुलगा सुरजीत याने कबूल केले की त्याने त्याच्या बहिणीवर बलात्कार करून तिची हत्या केली होती.

आरोपी सुरजीतने सांगितले की, मृतक त्याच्या काकाची मुलगी होती. रक्षाबंधनाच्या दिवशी तो दिवसा घरी आला आणि तिला राखी बांधली. त्याला दारू पिण्याचे व्यसन आहे. त्या दिवशीही त्याने रात्री खूप दारू प्यायली. त्यानंतर रात्री पोटदुखीमुळे तो घरासमोरील शेतात शौचास गेला. यानंतर, तो त्याची बहीण झोपलेल्या खाटेकडे गेला आणि तिथे झोपला.

सुरजीतने चौकशीदरम्यान सांगितले की, त्याने त्याच्या बहिणीला स्पर्श करताच ती जागी झाली. त्यानंतर त्याने बहिणीचे तोंड दाबले आणि तिच्यावर अत्याचार केले. त्यानंतर, सर्वांना समजेल या भीतीने त्याने तिचा गळा दाबून तिचा खून केला. पोलिसांनी अटक केलेल्या आरोपीला न्यायालयात हजर करण्यात आले आहे.

आणखी वाचा