यशस्वी जयस्वाल-रिंकू सिंह बाहेर! मोहम्मद कैफने निवडली आशिया कप 2025 साठी टीम इंडियाची प्लेइंग 11

आशिया कप 2025 सुरू होण्यास आता काही दिवसच शिल्लक राहिले आहेत, पण भारतीय क्रिकेट नियामक मंडळाने (BCCI) अद्याप भारतीय संघाची घोषणा केलेली नाही. अशा परिस्थितीत माजी क्रिकेटपटू आणि तज्ज्ञ संघाबद्दल आपले मत व्यक्त करत आहेत. काही जण संजू सॅमसनसारख्या मजबूत सलामीवीराला वगळत आहेत, तर काही जण शुभमन गिलला उपकर्णधारपदाची जबाबदारी देत आहेत आणि यशस्वी जयस्वाल आणि रिंकू सिंग सारख्या खेळाडूंचे पत्ते कापत आहेत.

या दरम्यान , टीम इंडियाचा माजी खेळाडू मोहम्मद कैफने आपल्या भारतीय संघाची घोषणा केली आहे. त्याने प्लेइंग इलेव्हनमध्ये कोणत्या 11 खेळाडूंना स्थान मिळावे याबद्दलही चर्चा केली आहे. मोहम्मद कैफने एक्स वर बोलताना सांगितले की, “जर आपण प्लेइंग इलेव्हनबद्दल बोललो तर अभिषेक शर्मा आणि संजू सॅमसन सलामीला येतील. तिलक वर्मा तिसऱ्या क्रमांकावर असेल, त्यानंतर चौथ्या क्रमांकावर सूर्यकुमार यादव कर्णधार असेल. अक्षर पटेल पाचव्या क्रमांकावर येईल आणि उपकर्णधारही असेल आणि त्याच्यानंतर हार्दिक पांड्या सहाव्या क्रमांकावर असेल. शिवम दुबे सातव्या क्रमांकावर असेल, वॉशिंग्टन सुंदर आठव्या क्रमांकावर असेल. कुलदीप यादव नवव्या क्रमांकावर, अर्शदीप सिंग दहाव्या क्रमांकावर आणि जसप्रीत बुमराह अकरा क्रमांकावर असेल.”

आशिया कप 2025 साठी किमान 15 खेळाडू निवडले जातील, म्हणून कैफने स्वतंत्रपणे 4 बॅकअप खेळाडूंची नावे दिली आहेत.

कैफ पुढे म्हणाला, “जर मी आणखी चार नावे जोडून संघाबद्दल बोललो तर शुबमन गिल बॅकअप ओपनर असेल आणि जितेश शर्मा बॅकअप विकेटकीपर असेल. उर्वरित दोन खेळाडू वरुण चक्रवर्ती आणि मोहम्मद सिराज असतील.”

आशिया कप 9 सप्टेंबरपासून सुरू होईल आणि भारताचा पहिला सामना 10 सप्टेंबर रोजी यूएई विरुद्ध होईल. त्यानंतर 14 सप्टेंबर रोजी भारत आणि पाकिस्तान यांच्यात एक ब्लॉकबस्टर सामना होईल, भारत 19 सप्टेंबर रोजी ओमान विरुद्धच्या सामन्याने आपले गट सामने संपवेल. पाकिस्तान विरुद्धच्या सामन्याबाबत भारताची भूमिका काय असेल हे वेळ आल्यावरच कळेल.