Dahi Handi 2025 : गोपाळकाल्यात फडणवीस-शिंदेंची राजकीय टोलेबाजी; मनपाची हंडी फोडू लोणी तुमच्यापर्यंत पोहोचवू

ठाणे – मुंबई आणि ठाण्यामध्ये दहीहंडीचा उत्साह शिगेला पोहोचला आहे. गोविंदाचे थरावर थर आज रचण्याचा थरथराट अवघा महाराष्ट्र पाहात आहे. कोकणनगर गोंविदा पथकाने आज दहा थर लावून विक्रम केला. दुसरीकडे उपमुख्यमंत्री एकनाथ शिंदे यांनी ठाण्यातील टेंभीनाका मित्र मंडळाच्या मानाच्या दहीहंडीला उपस्थिती लावली. यावेळी मुख्यमंत्री देवेंद्र फडणवीस देखील त्यांच्यासोबत होते. गोपाळकाल्यात मुख्यमंत्री आणि उपमुख्यमंत्र्यांनी राजकीय टोलेबाजी करुन आगामी महानगर पालिका निवडणुकीची हंडी महायुतीच फोडेल असा विश्वास व्यक्त केला. विरोधकांचा डोळा लोण्यावर आहे मात्र महायुतील मनपाची हंडे फोडेल आणि लोणी तुमच्यापर्यंत पोहोचवेल असे आश्वासन मुख्यमंत्री देवेंद्र फडणवीसांनी दिले.