चाहत्यांसाठी खुशखबर! या दिवशी मैदानात परतणार रोहित आणि विराट

भारतीय संघाचे सुपरस्टार फलंदाज विराट कोहली आणि रोहित शर्मा टी20 आंतरराष्ट्रीय आणि कसोटी क्रिकेटमधून संन्यास घेऊन बसले आहेत. आता हे दोघे केवळ वनडे फॉरमॅटमध्येच खेळताना दिसतील. त्यामुळेच ते दोघे बराच काळ आंतरराष्ट्रीय सामने खेळलेले नाहीत. हे दोन्ही स्टार खेळाडू आधी 19 ऑक्टोबर रोजी मैदानात पुनरागमन करणार होते, पण आता एक आनंदाची बातमी समोर आली आहे. त्यानुसार पुढील महिन्यात हे दोन्ही स्टार खेळाडू निळ्या जर्सीत मैदानात पुनरागमन करू शकतात.

भारतीय संघाच्या ऑस्ट्रेलिया दौऱ्यापूर्वी त्यांची ज्युनियर टीम इंडिया ऑस्ट्रेलियात दाखल होणार आहे. 16 सप्टेंबरपासून इंडिया ए आणि ऑस्ट्रेलिया ए यांच्यात 2 सामन्यांची कसोटी मालिका खेळली जाणार आहे. तर 3 सामन्यांची वनडे मालिका 30 सप्टेंबरपासून खेळली जाणार आहे. अशा परिस्थितीत अशी बातमी समोर येत आहे की रोहित शर्मा आणि विराट कोहली यांची निवड इंडिया ए च्या वनडे संघात होऊ शकते. त्यामुळे हे दोन्ही स्टार खेळाडू 30 सप्टेंबरला मैदानात दिसू शकतात.