… तर धाराशिवचे खासदार निवडून आले नसते, ओमराजे निंबाळकरांच्या आरोपांवर पाशा पटेल यांचं उत्तर

Pasha Patel on Omraje Nimbalkar : निवडणूक मॅनेज करायची ताकत आमच्यात असती तर धाराशिवचे (Dharashiv) खासदारही निवडून येऊ दिले नसते असं वक्तव्य भाजप नेते पाशा पटेल (Pasha Patel) यांनी केलं आहे. शिवसेना ठाकरे गटाचे खासदार ओमराजे निंबाळकर (Omraje Nimbalkar) यांनी तुळजापुरातील बोगस मतदार प्रकरणावरुन आरोप केले होते. त्यावर बोलतानार भाजप नेते पाशा पटेल यांनी पलटवार केला. पडल्यानंतर कितने खट्टे हे अंगूर म्हणण्याची सवयच असल्याचे पटेल म्हणाले.

बोगस मतदार प्रकरणात निवडणूक आयोगाने अर्ज बाद केले,  पोलिसांकडून तपास न झाल्याचा आरोप

तुळजापूर विधानसभा मतदारसंघात 6000 बोगस मतदार नोंदवणी झाल्याप्रकरणी ओमराजे निंबाळकर यांनी दिल्लीत पत्रकार परिषद घेतली होती. भाजप आमदार राणाजगजीतसिंह पाटील यांच्याशी संबंधित महाविद्यालयाचे विद्यार्थी असल्याचा आरोप ओमराजे निंबाळकर यांनी केला होता. बोगस मतदार प्रकरणात निवडणूक आयोगाने अर्ज बाद केले आहेत. याप्रकरणी पोलिसांकडून तपास न झाल्याचा ओमराजे निंबाळकर यांचा आरोप आहे. या आरोपांना भाजप नेते पाशा पटेल यांनी उत्तर दिले आहे. बोगस मतदान झाल असते तर कोणालाच निवडून येऊ दिले नसते असे मत पाशा पटेल यांनी व्यक्त केले. बाकीचेही काही खासदार निवडून आले आहेतच की असे पाशा पटेल म्हणाले. आमच्या हातात जर शक्ती असती तर आम्ही धाराशिवचा खासदार निवडून येऊ दिला नसते असे पाशा पटेल म्हणाले.

तुळजापूर तहसील कार्यालयात नवीन मतदार नोंदणीसाठी अचानक मोठ्या प्रमाणात ऑनलाईन अर्ज

2 ऑक्टोबर ते 16 ऑक्टोबर 2024 या काळात तुळजापूर तहसील कार्यालयात नवीन मतदार नोंदणीसाठी अचानक मोठ्या प्रमाणात ऑनलाईन अर्ज दाखल झाले होते. या अर्जांची तपासणी करताना अनेक अर्जदारांच्या आधार कार्डांमध्ये एकाच नामांकन क्रमांकाचा वापर झालेला दिसला. आधारवरील डिजिटल सहीची तारीख आणि वेळ एकसमान होती, फोटो सारखाच असताना नावे मात्र वेगवेगळी होती. याशिवाय, बीएलओंनी केलेल्या प्रत्यक्ष पडताळणीतही अर्जदार नमूद पत्त्यावर आढळले नाहीत. दरम्यान केंद्रीय निवडणूक आयोगाने तुळजापूर येथील बोगस मतदार नोंदणी प्रकरणाचा अहवाल मागवला आहे. चावडी वाचन केल्यावर लक्षात आलं की तब्बल सहा हजार बोगस मतदार नोंद झाले आहेत. तहसीलदारांनी याबाबत नऊ महिन्यांपूर्वीच तक्रार केली होती, पण अजूनही कारवाई झालेली नाही. मी DYSP कडे OTP गेलेले मोबाईल नंबर मागितले, पण त्यांनी ते दिले नाहीत. हे सर्व हास्यास्पद असल्याचे ओमराजे निंबाळकर म्हणाले होते.

महत्वाच्या बातम्या:

तुळजाभवानी मंदिरावरुन भावकीत जुंपली; आ. राणा पाटलांचा जुना व्हिडिओ दाखवत ओमराजे निंबाळकरांचा सवाल

आणखी वाचा