बायकोला रीलचा नाद, संशय घेत नवऱ्याने संपवलं! भिवंडीत धडावेगळे शिर सापडलेल्या महिलेच्या प्रकरणाच

भिवंडी गुन्हा: भिवंडी शहरातील ईदगाह झोपडपट्टीजवळील खाडी परिसरात एका महिलेचे धडावेगळे शीर आढळल्याने शहरात खळबळ उडाली होती. या घटनेची तातडीने चौकशी सुरू करण्यात आली आणि भोईवाडा पोलीस पथकाने अवघ्या 48 तासांत आरोपी पतीला ताब्यात घेतले. मृत महिलेचे नाव परवीन उर्फ मुस्कान (वय 26) असून आरोपी पती मोहम्मद तहा इम्तियाज अन्सारी यावर हत्या केल्याचा संशय आहे. मुस्कान ही इन्स्टाग्रामवर रील बनवत होती. तिला रीलचा नाद लागला होता. आणि ती काही मुलांशी संपर्कात देखील होती, ज्यामुळे मोहम्मद तहाशी तिचे वाद वाढले होते असे तपासात समोर आले आहे.

पोलीस तपासात काय समोर आलं?

ईदगाह परिसरात शीर आढळल्यावर पोलिसांसमोर मोठे आव्हान उभे राहिले. वरिष्ठ पोलिस निरीक्षक अशोक रत्नपारखी यांच्या मार्गदर्शनाखाली पोलीस निरीक्षक प्रमोद कुंभार यांच्या पथकाने स्थानिकांकडून माहिती गोळा करून मृत महिलेची ओळख पटवली. तपासात समोर आले की मुस्कान काही दिवसांपासून आपल्या पती मोहम्मद तहाशी सतत वादात होती.

बायकोच्या रीलच्या नादात नवऱ्याचा संशय वाढला अन्

पोलिसांनी माहिती दिली की, मुमोहम्मद तहा आणि मुस्कान यांनी दोन वर्षांपूर्वी प्रेमविवाह केला होता. त्यांना एक वर्षाचा मुलगा, मोहम्मद अजलान आहे. गेल्या काही दिवसांपासून एकमेकांच्या वैयक्तिक संशयावरून दोघांमध्ये सतत भांडणे होत होती. मुस्कान ही इन्स्टाग्रामवर रील बनवत होती. तिला रीलचा नाद लागला होता. आणि ती काही मुलांशी संपर्कात देखील होती, ज्यामुळे मोहम्मद तहाशी तिचे वाद वाढले होते.

28 ऑगस्ट रोजी घराबाहेर पडताच, रील बनवण्याच्या निमित्ताने पुन्हा एकदा वाद झाला. पोलिसांच्या तपासानुसार, 29 ऑगस्ट रोजी मोहम्मद तहाने क्रूरपणे मुस्कानची हत्या केली. त्यानंतर त्याने शरीराचे दोन तुकडे केले आणि खाडीत पुरावा नष्ट करण्याचा प्रयत्न केला. अजूनही धड आढळलेला नाही; पोलिस ड्रोन आणि बोटींच्या साहाय्याने शोध घेत आहेत.दरम्यान, मोहम्मद तहाला भिवंडी न्यायालयात हजर केले असता, त्याला 11 सप्टेंबरपर्यंत पोलिस कोठडी सुनावण्यात आली आहे. हत्येत वापरलेले हत्यार शोधण्याचे काम सुरू आहे.भिवंडी पोलीसांनी या प्रकरणात त्वरीत कारवाई केली असून नागरिकांना शांती राखण्याचे आवाहन केले आहे.

बहिणीला पळवून नेल्याच्या संशयातून तरुणाला संपवलं

पुण्यातील दौंड शहर गणेश विसर्जनाच्या पूर्वसंध्येला भीषण घटनेने हादरले आहे. बहिणीला पळवून नेल्याच्या वादातून चौघांनी एका तरुणावर जीवघेणा हल्ला करत त्याचा खून केल्याची धक्कादायक घटना उघडकीस आली आहे. विटा आणि सिमेंटच्या चौकटीने केलेल्या जबर मारहाणीमुळे तरुणाचा जागीच मृत्यू झाला. खून झालेल्या तरुणाचे नाव केतन सुडगे असे असून तो स्थानिक रहिवासी होता.

आणखी वाचा