आयसीसीच्या ताज्या टी-20 क्रमवारीत पाकिस्तानी खेळाडूंचा दबदबा दिसून आला आहे. ट्राय सीरीजच्या अंतिम सामन्यातील दमदार खेळाचा मोबदला सूफियान मुकीमला मिळाला आहे. त्याचबरोबर शाहीन आफ्रिदीनेही चार पायऱ्यांची झेप घेतली आहे. लेग स्पिनर अबरार अहमदचाही मान वाढला आहे, तर फखर जमनलाही 9 स्थानांचा फायदा झाला आहे. ‘प्लेअर ऑफ द सीरीज’ ठरलेल्या मोहम्मद नवाजने तब्बल 13 स्थानांची प्रगती केली असून आता तो गोलंदाजांच्या क्रमवारीत 30व्या स्थानी पोहोचला आहे. पाकिस्तानने ट्राय सीरीजच्या अंतिम सामन्यात अफगाणिस्तानचा 75 धावांनी पराभव करत किताबावर कब्जा मिळवला होता.
ट्राय-सीरीजमधील धमाकेदार खेळाचा मोबदला पाकिस्तानच्या खेळाडूंना आयसीसीच्या जाहीर झालेल्या ताज्या टी-20 क्रमवारीत मिळाला आहे. अंतिम सामन्यात हॅट्रिकसह एकूण 5 गडी बाद करणाऱ्या मोहम्मद नवाजने तब्बल 13 पायऱ्यांची झेप घेतली आहे. नवाजने संपूर्ण मालिकेत एकूण 10 विकेट्स आपल्या नावावर केल्या.
खिताबी सामन्यात फक्त 9 धावा देत 2 बळी घेणाऱ्या सूफियानने सात पायऱ्यांची प्रगती करत 15वे स्थान मिळवले आहे. शाहीन आफ्रिदीलाही फायदा झाला असून तो आता गोलंदाजांच्या क्रमवारीत 22व्या स्थानी पोहोचला आहे. जेकब डफी टी-20 आंतरराष्ट्रीय क्रिकेटमध्ये जगातील अव्वल क्रमांकाचा गोलंदाज ठरलेला आहे.
आशिया कप 2025 मध्ये मैदानात उतरण्यापूर्वीच संजू सॅमसनला आयसीसीच्या क्रमवारीत एक स्थानाची बढती मिळाली आहे. संजू आता फलंदाजांच्या क्रमवारीत 34व्या स्थानी पोहोचला आहे. मागील 10 डावांत या यष्टिरक्षक-फलंदाजाने तीन शतके झळकावली आहेत. शुबमन गिलच्या आगमनानंतर संजूला आशिया कपच्या अंतिम 11 मध्ये स्थान मिळेल की नाही, हे पाहणे उत्सुकतेचे ठरणार आहे.
दक्षिण आफ्रिकेविरुद्धच्या वनडे मालिकेत भेदक गोलंदाजी करणाऱ्या इंग्लंडच्या वेगवान गोलंदाज जोफ्रा आर्चरची चांगलीच बल्ले-बल्ले झाली आहे. आर्चरला तब्बल 16 स्थानांची बढती मिळाली असून तो आता वनडे क्रिकेटच्या गोलंदाजांच्या ताज्या क्रमवारीत तिसऱ्या स्थानी पोहोचला आहे. तिसऱ्या वनडे सामन्यात आर्चरने केवळ 18 धावा देत 4 बळी टिपत गोलंदाजीने धुमाकूळ घातला होता.
Comments are closed.