पाकिस्तान क्रिकेट संघ आपला आशिया कप 2025 मोहिमेचा प्रारंभ 12 सप्टेंबरपासून करणार आहे. पाकिस्तानचा पहिला सामना ओमानविरुद्ध होणार आहे. हा सामना जिंकून पाक संघ स्पर्धेला दमदार सुरुवात करायची इच्छा बाळगतो. मात्र या सामन्यापूर्वी पाकिस्तानची चिंता थोडी वाढलेली दिसते आहे, कारण त्यांचा कर्णधार पूर्णपणे फिट नसल्याचे जाणवले आहे. याचे संकेत पाकिस्तान संघाच्या सराव सत्रातून मिळाले आहेत.
ग्रुप-ए मध्ये पाकिस्तानचा पहिला सामना 12 सप्टेंबरला ओमानविरुद्ध खेळला जाणार आहे. हा सामना अबू धाबीच्या शेख जायद स्टेडियममध्ये होईल. या सामन्यापूर्वी मोठा प्रश्न निर्माण झाला आहे की, खराब फिटनेसच्या कारणामुळे पाकिस्तानचा कर्णधार सलमान आगा हा सामना खेळू शकणार नाही का? जिओ न्यूजच्या रिपोर्टनुसार, सलमान आगा सध्या मानेला झालेल्या ताणामुळे त्रस्त आहे. 10 सप्टेंबरला झालेल्या सराव सत्रातही सलमानने जास्त सहभाग घेतला नव्हता. सराव सत्रात तो नक्की पोहोचला होता, पण फुटबॉल खेळणे आणि वॉर्म-अपपासून दूर राहिला होता. त्यावेळी त्याच्या मानेला पट्टीसुद्धा बांधलेली होती.
दरम्यान, सलमान आगा यांच्या फिटनेसबाबत पाकिस्तान क्रिकेट बोर्डचे मत आहे की ते ओमानविरुद्धच्या सामन्यापूर्वी पूर्णपणे फिट होतील आणि यात काहीही चिंतेचं कारण नाही. मात्र आता पाहण्यासारखी गोष्ट म्हणजे, ओमानविरुद्धच्या सामन्यापूर्वी पाक कर्णधार खरोखरच पूर्णपणे फिट होतात का नाही?
ओमाननंतर पाकिस्तानचा सामना 14 सप्टेंबरला दुबई इंटरनॅशनल स्टेडियमवर टीम इंडियाशी होणार आहे. हा सामना चुरशीचा ठरणार आहे. टीम इंडिया हा सामना जिंकून सुपर-4 मध्ये प्रवेश करण्याचा प्रयत्न करेल. टीम इंडियाने आपला पहिला सामना यूएईविरुद्ध जिंकला असून सध्या ती पॉइंट्स टेबलमध्ये अव्वल स्थानावर आहे.
Comments are closed.