एकाच कुटुंबातील दोन किंवा अधिक लाभ घेणाऱ्या 84 हजार लाडक्या बहिणी अपात्र होणार

मराठवाडा: मराठवाड्यातील 1 लाख 25 हजार लाडक्या बहिणींचा लाभ थांबवण्याची शिफारस करण्यात आली आहे. मराठवाड्यातील आठ जिल्ह्यांमध्ये 65 वर्षांवरील 1 लाख 33 हजार लाडक्या बहिणींचे अर्ज तपासण्यात आले आहेत, त्याचबरोबर एकाच घरात दोन किंवा त्यापेक्षा अधिक लाभार्थी असलेले 4 लाख 9 हजार 72 अर्ज तपासण्यात आले आहेत. यामध्ये 65 वर्षांपेक्षा जास्त असताना देखील लाडकी बहीण योजनेचा लाभ घेणाऱ्या 40 हजार 228 महिला यांना अपात्र करण्याची शिफारस करण्यात आली आहे. एकाच कुटुंबातील दोन किंवा त्यापेक्षा जास्त अधिक महिलांनी लाभ घेतलेला म्हणून तपासामध्ये 84 हजार 709 लाडक्या बहिणींना अपात्र करण्याच्या संदर्भातली माहिती शासनाला देण्यात आली आहे. 65 वर्षावरील लाभार्थी महिलांनी खोटी कागदपत्र तयार करून योजनेचा लाभ घेतल्याचं समोर आलं आहे. काही महिलांना दोन महिने किंवा तीन महिन्यांपासून योजनेचा लाभ मिळालेला नाही. त्या महिलांना त्याबाबतची कारणे सांगण्यात आली आहेत.

मराठवाड्यात बोगस लाडक्या बहिणींची पोलखोल

– एक लाख 25 हजार लाभार्थ्यांचे लाभ थांबवण्याची शिफारस करण्यात आली आहे.

– 65 वर्षांवरील असून 40 हजार महिला अपात्र करण्याची शिफारस करण्यात आली आहे.

– एकाच कुटुंबातील दोन किंवा त्याहून अधिक लाभ घेणाऱ्या 84 हजार महिलांना याचा दणका बसला आहे

मिळालेल्या माहितीनुसार, मध्यतंरी शासनाच्यावतीने अंगणवाडी सेविकांकडून एक सर्वे करण्यात आलेला होता. यामध्ये त्यांना दोन टास्क त्यांना देण्यात आलेले होते. त्यांना काही माहिती देण्यात आली होती, त्यामध्ये 65 वर्षांवरील काही महिला लाभ घेतला असल्याची माहिती होती. त्याचबरोबर एका घरात दोन किंवा त्यापेक्षा अधिक महिला लाभ घेत असतील तर त्याचा सर्वे देखील अंगणवाडी सेविका यांना करायला सांगितला होता. दोन पेक्षा जास्त ज्या लाभार्थी आहेत, त्यांचा डाटा समजण्यासाठी रेशन कार्ड हा पुरावा ग्राह्य धरलेला होता. त्याची तपासणी करण्यात आली होती. सव्वा महिना ही सर्व तपासणी अंगणवाडी सेविकांना केली आणि त्यानंतर हा डाटा शासनाला सबमिट केला गेला. त्यामध्ये मराठवाड्यातील आठ जिल्ह्यांमध्ये 65 वर्षापेक्षा जास्त असून देखील 65 वर्षापेक्षा कमी असल्याचा दाखवून 40 हजार महिलांनी लाभ घेतल्याचे समोर आलं आहे. तर एकाच घरांमध्ये दोन किंवा अधिक महिला आहेत अशांच्या लाभ घेण्याची संख्या 80 हजार पेक्षा जास्त आहे.

मराठवाड्यात जवळपास 1 लाख 25 हजार लाडक्या बहिणीच्या योजनेचा लाभ बंद करावा अशा प्रकारची शिफारस शासनाकडे करण्यात आलेली आहे. प्रत्येकाचा डाटा सबमिट करण्यात आलेला आहे. या वरती शासन काय निर्णय घेईल. समोर आलेल्या आकडेवारीनुसार लाडक्या बहिणी योजनेच्या लाभ घेणाऱ्यांपैकी एकाच घरातील दोन किंवा त्यापेक्षा अधिक जे अर्ज तपासले आहेत त्याची संख्या चार लाख एवढी होती, तर 65 वयावरील संख्या किती एक लाख होती. 65 वयावरील तपासणीमध्ये 50% महिला 65 वयावरील आढळून आल्या आहेत, तर दुसरीकडे एकाच कुटुंबात जास्त लाभ घेणाऱ्या महिला ह्या 25% असल्याचं समोर आलं आहे.
शासन याबाबतचा काय निर्णय घेणार हे पाहणं महत्त्वाचं ठरणार आहे त्याचबरोबर मराठवाड्यातील जवळपास दीड लाख महिलांचा निधी थांबवावा अशी माहिती या विभागाकडे पाठवण्यात आली आहे.

आणखी वाचा