Asia Cup: पाकिस्तानने UAE सोबतच्या सामन्यापूर्वीची प्रेस कॉन्फरन्स केली रद्द, जाणून घ्या नेमकं कारण काय?

आशिया कप 2025 स्पर्धेमध्ये (Asia Cup 2025) बुधवार, 17 सप्टेंबर रोजी पाकिस्तान आणि यूएईमध्ये (PAK vs UAE) महत्वाचा सामना होणार आहे. टीम इंडियाने यूएईवर विजय मिळवल्यानंतर सुपर-4मध्ये स्थान मिळवले आहे, तर ग्रुप A मधून सुपर-4मध्ये जाणारी दुसरी टीम कोण असेल, हे पाकिस्तान-यूएई सामन्यावर अवलंबून राहणार आहे. यावेळी भारताच्या खेळाडूंनी मागील रविवारी पाकिस्तानशी हात मिळवला नाही, यामुळे पाकिस्तान क्रिकेट बोर्डाने (PCB) आयसीसीकडे तक्रार नोंदवली होती.

पाकिस्तानने आयसीसीकडून खेळाच्या रेफरीविरुद्ध कारवाई न झाल्यास आशिया कप सोडण्याची धमकी दिली होती. काही रिपोर्टनुसार पाकिस्तान यूएईविरुद्ध सामना खेळणार नाही असा इशारा होता. पण आयसीसीने पाकिस्तानची ही मागणी नाकारली. त्यानंतर पाकिस्तानने दुबईमध्ये आपली प्री-मैच प्रेस कॉन्फरन्स अचानक रद्द केली.

PCB अध्यक्ष मोहसिन नकवी (Mohsin Naq) वरिष्ठ सरकारी अधिकाऱ्यांशी चर्चा करून पुढचा निर्णय घेणार आहेत. पाकिस्तानने रेफरी एंडी पाइक्रॉफ्टविरुद्ध (Andy Pycroft) तक्रार दाखल केली होती कारण त्यांनी रविवारी भारत-पाक (IND vs PAK) सामन्यात दोन कर्णधारांना टीम माहितीची देवाणघेवाण करायला सांगितली नाही. आता पाकिस्तान हे पाहत आहे की, आयसीसीने मागणी नाकारल्यानंतर ते खेळ सुरू ठेवतील की नाही. पीसीबीने प्रस्ताव दिला आहे की, यूएईविरुद्ध सामन्यात रिची रिचर्डसन रेफरी असावेत, पण ते होईल की नाही, हे अजून निश्चित नाही.