रिषभ पंतंच्या दुखापतीवर मोठी अपडेट समोर! जाणून घ्या वेस्ट इंडिजविरुद्ध मालिकेत खेळणार की नाही?

रिषभ पंत (Rishbh Pant) ऑक्टोबर महिन्याच्या सुरुवातीला होणाऱ्या वेस्ट इंडिजविरुद्धच्या कसोटी मालिकेत खेळणार नाही. पंतला इंग्लंड दौऱ्यावर पायाला दुखापत झाली होती, ज्यामुळे तो रिकव्हरीच्या व्हिडिओ क्लिप्स सोशल मीडियावर शेअर करत आला आहे. आता रिपोर्ट्सनुसार, BCCI मधील काही सूत्रांनी सांगितले की, पंतच्या पायाची सूज वाढली आहे आणि त्यामुळे तो वेस्ट इंडिजविरुद्धच्या मालिकेत खेळणार नाही.

पूर्वी इएसपीएन क्रीकइन्फोने एका रिपोर्टमध्ये म्हटले होते की, पंतच्या पायातून पट्टा काढला गेला आहे आणि त्याला चालण्यात आराम वाटू लागला आहे. पण आता त्याच्या पायाची सूज अचानक वाढली आहे.

पंतला ही दुखापत जुलै महिन्यात मॅन्चेस्टर कसोटी दरम्यान झाली होती. क्रिस वोक्सच्या चेंडूवर रिव्हर्स स्वीप मारताना पंत बॉल मिस झाला आणि बॉल थेट त्याच्या उजव्या पायाच्या अंगठ्यावर लागला, ज्यामुळे फ्रॅक्चर झाला. या गंभीर दुखापतीनंतरही त्याने मॅन्चेस्टर टेस्ट कसोटीमध्ये फलंदाजी केली होती. मात्र, पाचव्या म्हणजे ओवल कसोटीसाठी त्याला संघातून बाहेर ठेवले गेले.

रिषभ पंत स्वतः सोशल मीडियावर आपल्या दुखापतीबाबत अपडेट देत राहिला आहे. इंस्टाग्रामवर त्याची शेवटची पोस्ट सुमारे आठवडाभरापूर्वीची होती, ज्यात तो झाडाखाली केस कापून घेत होता. त्या फोटोमध्येही दिसत आहे की, पायावर पट्टा नाही, पण पायाला काही प्रमाणात पट्टी बांधलेली होती.

वेस्ट इंडिज टीम ऑक्टोबर महिन्याच्या सुरुवातीला भारताच्या दौऱ्यावर येणार आहे. दोन्ही संघांमध्ये 2 कसोटी सामने खेळले जाणार आहेत. पहिला सामना 2 ऑक्टोबरपासून अहमदाबादमध्ये, तर दुसरा सामना 10 ऑक्टोबरपासून दिल्लीमध्ये होईल.