Asia Cup: भारत- पाक सामन्यात पाकिस्तान मॅच विनर खेळाडूला ठेवणार बाहेर? जाणून घ्या कशी असू शकते पाकिस्तानची प्लेइंग-11

भारत आणि पाकिस्तान (IND vs PAK) यांच्यात आज सुपर-4 मध्ये महामुकाबला खेळला जाणार आहे. दोन्ही संघांसाठी हा सामना जिंकणे खूप महत्त्वाचे आहे. पाकिस्तानचा विक्रम टीम इंडियाविरुद्ध नेहमीच खराब राहिला आहे. त्यामुळे आता पाकिस्तानची टीम जोरदार पुनरागमन करण्याचा प्रयत्न करेल. त्यासाठी कर्णधार सलमान अली आगा (Salman Ali Agha) आपल्या सर्वोत्तम प्लेइंग-11 सह मैदानात उतरेल. त्यामुळे संघरचनेत बदल होण्याची शक्यता नक्कीच आहे आणि सामना जिंकवणारा खेळाडू बेंचवर बसण्याची शक्यता जास्त दिसत आहे.

कर्णधार सलमान अली आगाने दुबईत झालेल्या मागील सामन्यात मोठा बदल केला होता. त्याने सुफियान मुकीमला प्लेइंग-11 मधून बाहेर ठेवले होते. मात्र टीम इंडियाविरुद्ध त्याची परतफेड होऊ शकते. कारण दुबई इंटरनॅशनल क्रिकेट स्टेडियममध्ये फिरकी गोलंदाजांना मदत मिळते. याच कारणामुळे हारिस रऊफला बाहेर बसवून मुकीमला पुन्हा संधी दिली जाऊ शकते. मागील सामन्यात रऊफने 2 विकेट घेतल्या होत्या, पण त्या दोन्ही शेवटी मिळाल्या होत्या. टीम इंडियाच्या फलंदाजांना आता पेसने त्रास देता येईल, असे वाटत नाही. त्यामुळे रऊफ बाहेर जाणे जवळपास निश्चित दिसत आहे.

लीग स्टेजमध्ये पाकिस्तानने 2 सामने जिंकले असून, फक्त भारताविरुद्ध त्यांना पराभव पत्करावा लागला आहे. या तिन्ही सामन्यांत शाहीन शाह आफ्रिदीने फलंदाजीमध्ये प्रभाव टाकला, तर सैम अयूबने गोलंदाजीमध्ये चांगली कामगिरी केली. मात्र दोघांनीही आपली मुख्य भूमिका अजून पूर्णपणे निभावलेली नाही. भारताविरुद्धच्या या सामन्यात ते पुन्हा एकदा प्रभाव टाकण्याचा प्रयत्न करतील.

पाकिस्तानची संभाव्य प्लेइंग-11:
सॅम अयूब, साहिबजादा फरहान, मोहम्मद हरीस (यशरक्षक), फखर जमण, सलमान अली आगा (कर्नाधर), खुशदिल शाह, हसन नवाज, मोहम्मद नवाझ, शाहिन आफ्रिदी, अब्रार अहमद, सुफियान मुखिम.