तू सुधारणार नाहीस, युवराज सिंगच्या तालमीत अभिषेक शर्मा कसा घडला, पाकिस्तानविरुद्धच्या तडाखेबाज

अभिषेक शर्मा युवराज सिंह व्हिडिओ: भारत-पाकिस्तान सामन्यात तुफानी खेळ करून सगळ्यांचे लक्ष वेधून घेतलेल्या युवा सलामीवीर अभिषेक शर्माने आपल्या कारकिर्दीत एक नवा टप्पा गाठला आहे. सुपर-4 सामन्यात त्याने धडाकेबाज फटकेबाजी करत युवराज सिंगचा पाकिस्तानविरुद्धचे सर्वात जलद अर्धशतकाचा विक्रम मोडला. सुरुवातीपासूनच आक्रमक खेळ करत अभिषेकने पाकिस्तानी गोलंदाजांची दाणादाण उडवली आणि भारताच्या विजयात मोलाचा वाटा उचलला.

पाकिस्तानविरुद्धच्या तडाखेबाज खेळीनंतर अभिषेक शर्माचा VIDEO व्हायरल…

दरम्यान, सामन्यानंतर एक खास VIDEO सोशल मीडियावर धुमाकूळ घालत आहे. या व्हिडिओत युवराज सिंग आणि अभिषेक शर्मा एकत्र सराव करताना दिसतात. युवराज मजेशीरपणे अभिषेकला म्हणताना ऐकू येतो की, “तू सुधारणार नाहीस, फक्त षटकार मारत राहा, सिंगल्स घेऊ नकोस.” अभिषेक शॉट्स खेळत असताना युवराज त्याला “सिंगल्सही घे सर” असा सल्ला देतो, मात्र अभिषेक आपला आक्रमक अंदाज कायम ठेवतो. हा व्हिडिओ प्रत्यक्षात युवराज सिंगने अभिषेकला वाढदिवसाच्या शुभेच्छा देताना शेअर केला होता. व्हिडिओसोबत युवराजने लिहिले होते की, “अभिषेक तुला वाढदिवसाच्या शुभेच्छा. आशा करतोस की तू जितके षटकार मारशील, तितकेच सिंगल्सही घेशील.”

वाढदिवसाच्या हार्दिक शुभेच्छा सर अभिषेक 🎂 आशा आहे की आपण यावर्षी जितके एकेरी पार्कमधून बाहेर काढाल तितके एकेरी घ्या – कठोर परिश्रम करत रहा! पुढे एक उत्तम वर्षासाठी प्रेम आणि शुभेच्छा! ❤ @Iamabhisarma4 pic.twitter.com/y56tq2jghk

– युवराज सिंग (@युवस्ट्रांग 12) 4 सप्टेंबर, 2024

अभिषेक शर्माचा गुरु युवराज सिंगला टाकले मॅडेल (अभिषेक शहारमाने वर्ल्ड रेकॉर्डसाठी युवराजसिंगला मागे टाकले)

पाकिस्तानविरुद्धचा अभिषेकची खेळी फक्त मैदानातच नाही तर सोशल मीडियावरही चर्चेत राहिली. युवराजच्या तालमीत घडलेला हा युवा फलंदाज आज भारतीय क्रिकेटचा नवा सुपरस्टार ठरत आहे. युवराज सिंग हा पाकिस्तानविरुद्ध टी-20 मध्ये सर्वात जलद अर्धशतक करणारा भारतीय फलंदाज होता. युवराज सिंगने 2012 मध्ये अहमदाबादमध्ये पाकिस्तानविरुद्ध 29 चेंडूत अर्धशतक ठोकून ही कामगिरी केली होती. आता, युवराजचा शिष्य अभिषेक शर्माने आशिया कप 2025 मध्ये पाकिस्तानविरुद्ध 24 चेंडूत अर्धशतक ठोकून त्याला मागे टाकले आहे. अभिषेकने या सामन्यात 39 चेंडूत 74 धावांची खेळी केली होती.

त्याच्या अर्ध्या शतकात जाण्यासाठी सर्व सिलेंडर्सवर गोळीबार! 🚀

पहा #Indvpak आता लाइव्ह, सोनी स्पोर्ट्स नेटवर्क टीव्ही चॅनेल आणि सोनी लिव्हवर.#Sonsportsnetwork #Dpworldasiacup2025 pic.twitter.com/txzrhywrrl

– सोनी स्पोर्ट्स नेटवर्क (@sonsportsnetwk) 21 सप्टेंबर, 2025

एकूणच, भारत-पाकिस्तान टी-20 सामन्यात सर्वात कमी चेंडूत शतके करणाऱ्या फलंदाजांच्या यादीत मोहम्मद हाफिज पहिल्या स्थानावर आहे, ज्याने 2012 मध्ये अहमदाबाद येथे भारताविरुद्ध फक्त 23 चेंडूत अर्धशतक झळकावले होते. अभिषेक या यादीत दुसऱ्या स्थानावर पोहोचला आहे, तर युवराज सिंग तिसऱ्या स्थानावर पोहोचला आहे. इफ्तिखार अहमद तिसऱ्या स्थानावर आहे, तर मिसबाह-उल-हक पाचव्या स्थानावर आहे.

भारत-पाकिस्तान टी-20 सामन्यांमध्ये सर्वात वेगवान अर्धशतक

23 चेंडू – मोहम्मद हाफिज, अहमदाबाद 2012
24 चेंडू – अभिषेक शर्मा, दुबई 2025
29 चेंडू – युवराज सिंग, अहमदाबाद 2012
32 चेंडू – इफ्तिखार अहमद, मेलबर्न 2022
33 चेंडू – मिसबाह-उल-हक, डर्बन 2007

हे ही वाचा –

Ind vs Pak Super 4 Asia Cup : ‘टीम इंडियाची चीटिंग, नाहीतर ते जिंकलेच नसते…’ वसीम अक्रमचा भारतावर गंभीर आरोप, उडाली खळबळ

आणखी वाचा