आशिया कप 2025 मध्ये भारताने सुपर 4 ची सुरुवात धमाकेदार अंदाजात केली. त्यांनी पाकिस्तानला 6 विकेटने पराभूत केले. 14 सप्टेंबरला भारतीय संघाने लीग स्टेजमध्ये पाकिस्तानला हरवल्यानंतर हस्तांदोलन केले नव्हते. यामुळेच “नो हँडशेक” वादाची सुरुवात झाली. काल रात्री झालेल्या सामन्यातही भारतीय संघाने विजय मिळवल्यानंतर हस्तांदोलन न करता थेट ड्रेसिंग रूमकडे कूच केले. दरम्यान, गौतम गंभीर यांचा एक व्हिडिओ समोर आला आहे, जिथे ते पाकिस्तान संघाची खिल्ली उडवत असल्याचे दिसून येते.
भारताच्या 6 विकेटच्या विजयानंतर कॅमेऱ्याने भारतीय ड्रेसिंग रूमकडे वळ घेतला, जिथे गौतम गंभीर आणि टीम इंडियाचे सदस्य होते. खेळाडू विजयाचा उत्सव साजरा करत होते. त्याचवेळी गंभीर म्हणाले, “हात तर मिळवा.” नंतर त्यांनी अंपायरचा उल्लेख केला आणि सांगण्याचा प्रयत्न केला की ते पाकिस्तान संघाला नव्हे, तर अंपायरला हात मिळवण्यास सांगत होते. “नो हँडशेक” वादावर गंभीर यांनी अशा पद्धतीने घेतलेले मजेचे बोलणे मोठ्या चर्चेचा विषय ठरले आहे.
Comments are closed.