आयपीएल 2026 हंगामात आरसीबी लिविंगस्टोनपासून मयंक अग्रवालपर्यंत, ऑक्शनपूर्वी या 4 खेळाडूंना रीलिज करणार?

रॉयल चॅलेंजर्स बंगळुरू (RCB) इंडियन प्रीमियर लीगच्या 19व्या हंगामात (IPL 2026) डिफेंडिंग चॅम्पियन म्हणून उतरलेली असेल. रजत पाटीदारच्या (Rajat patidar) नेतृत्वाखाली टीमने मागील वर्षी पंजाब किंग्सला फायनलमध्ये पराभूत करून आपला पहिला IPL खिताब जिंकला होता. आता IPL 2026 साठी मिनी ऑक्शन होणार आहे, ज्यात सर्व संघ आपल्या स्क्वाडमध्ये काही बदल करणार आहेत. ऑक्शनपूर्वी काही खेळाडूंना रीलिज देखील केले जाईल.

लियाम लिविंगस्टोन (इंग्लंड)
आरसीबीने आयपीएल 2025 मध्ये इंग्लंडचा अष्टपैलू खेळाडू लियाम लिविंगस्टोनला (Liyam Livingstone) 8.75 कोटी रुपयांमध्ये विकत घेतला होता. त्याआधी तो 2022 ते 2024 दरम्यान प्रत्येक वर्षी 11.50 कोटी रुपयांत पंजाब किंग्ससाठी खेळला होता. आयपीएल 2025 मध्ये त्याचा फॉर्म निराशाजनक राहिला, त्याने 8 सामन्यांत फक्त 112 धावा केल्या आणि फक्त 2 विकेट घेतल्या. त्यामुळे आयपीएल 2026 च्या ऑक्शनपूर्वी आरसीबी त्याला रीलिज करू शकते.

लिविंगस्टोनच्या IPL कारकिर्दीवर नजर टाकली तर, त्याने 49 सामन्यांत 1051 धावा केल्या आहेत, 7 अर्धशतकं केली आहेत आणि स्ट्राइक रेट 158.76 आहे. त्याच्याकडे 13 विकेट्स आहेत.

मयंक अग्रवाल (भारत)
मागील वर्षी RCB ने मयंक अग्रवालला (Mayank Agarwal) आपल्या दुखापतीग्रस्त खेळाडू देवदत्त पडिक्कलच्या रिप्लेसमेंटसाठी घेतले होते. IPL 2025 मध्ये त्याने 4 सामन्यांत 95 धावा केल्या, पडिक्कल आयपीएल 2026 साठी उपलब्ध राहिल्यास RCB आपलं बजेट वाढवण्यासाठी मयंकला रीलिज करू शकते.

मयंकचा IPL रेकॉर्ड पाहता, त्याने 5 संघासाठी 131 सामन्यांत 2756 धावा केल्या आहेत, तसेच त्याने 1 शतक आणि 13 अर्धशतक केली आहेत.

लुंगी नगिडी (दक्षिण आफ्रिका)
दक्षिण आफ्रिकेचा वेगवान गोलंदाज लुंगी नगिडी चांगला खेळाडू आहे, पण आयपीएलमध्ये त्याचा फारसा प्रभाव दिसला नाही. तो आधी CSK आणि नंतर दिल्ली कॅपिटल्ससाठी 50 लाख रुपयांत खेळला होता, तर मागील वर्षी आरसीबीने त्याला 1 कोटी रुपयांत घेतले. परंतु IPL 2025 मध्ये त्याने फक्त 2 सामने खेळले आणि 4 विकेट घेतल्या. 2018 पासून त्याने फक्त 16 सामन्यांत 29 विकेट्स घेतल्या आहेत. आरसीबीत्यालाही ऑक्शनपूर्वी रीलिज करू शकते.

रसिक सलाम (भारत)
जम्मू-कश्मीरचा वेगवान गोलंदाज रसिक सलाम आरसीबीने आयपीएल 18 हंगामासाठी 6 कोटी रुपयांत विकत घेतला होता. त्याआधी तो मुंबई इंडियन्स, कोलकाता नाईट राईडर्स आणि दिल्ली कॅपिटल्ससाठी खेळला होता. मात्र RCB ने त्याला फक्त 2 सामने दिले. जोश हेजलवुड, यश दयाल, भुवनेश्वर कुमारसारख्या वेगवान गोलंदाजांसमोर त्याला प्लेइंग 11 मध्ये जागा मिळत नाही. त्यामुळे आरसीबी त्यालाही रीलिज करण्याचा विचार करू शकते. IPL मध्ये त्याने 13 सामन्यांत 10 विकेट्स घेतल्या आहेत.

रिपोर्ट्स नुसार, IPL 19व्या हंगामासाठी मेगा लिलाव डिसेंबरच्या मधल्या आठवड्यात होऊ शकतो.