आशिया कप 2025 च्या अंतिम सामन्यात भारत आणि पाकिस्तान आमनेसामने भिडतील. या स्पर्धेत टीम इंडियाने शानदार कामगिरी केली आहे, सूर्यकुमार यादव अपेक्षेप्रमाणे खेळू शकला नाही. अंतिम सामन्यात कर्णधार सूर्याच्या खांद्यावर मोठी जबाबदारी असेल आणि आता दिग्गज भारतीय क्रिकेटपटू सुनील गावसकर यांनी त्याला ‘गुरु मंत्र’ दिला आहे. गावसकर म्हणाले की, जर सूर्याने फायनलमध्ये एक गोष्ट केली तर तो दमदार कामगिरी करू शकतो आणि त्याच्या बॅटमधून धावांचा पाऊस पडू शकतो.
आशिया कपच्या अंतिम सामन्यापूर्वी सुनील गावसकर यांनी स्पोर्ट्स टुडे शी बोलताना सूर्यकुमार यादव आपली फलंदाजी कशी सुधारू शकतो याबद्दल सांगितले. त्यांनी म्हटले की कर्णधाराने पिचवर थोडा वेळ घालवणे गरजेचे आहे. गावसकर म्हणाले, “कुठलाही संशय नाही की तो एक जबरदस्त खेळाडू आहे. माझा सल्ला एवढाच असेल की त्याने मैदानाच्या परिस्थितीचा अंदाज घेण्यासाठी तीन-चार चेंडू सोडून द्यावेत. त्यामुळे त्याला गती, उंची आणि टर्नचा अंदाज घेता येईल. ड्रेसिंग रूममध्ये बसून पाहणे आणि मैदानात उतरून खेळणे यात खूप फरक असतो. कधी कधी जर फलंदाज पुढे सरसावून खेळले, तर पिचमध्ये काहीच नाही असे वाटते. पण नैसर्गिक खेळ सुरू करण्यापूर्वी काही चेंडू घेऊन परिस्थिती समजून घेणे नेहमीच अधिक फायदेशीर ठरते.”
2025 च्या आशिया कपच्या अंतिम सामन्यात भारत आणि पाकिस्तान आमनेसामने येणार आहेत. हा सामना 28 सप्टेंबरला खेळला जाईल. या स्पर्धेत सूर्याकुमार यादवच्या बॅटमधून विशेष धावा निघाल्या नाहीत आणि त्यांचा खेळ जवळजवळ फ्लॉप ठरला आहे. त्यामुळे आता फायनलमध्ये सूर्याच्या खांद्यावर मोठी जबाबदारी असेल. त्याने संयमाने खेळत टीमला स्थैर्य द्यावे लागेल.
Comments are closed.