आजच्या डिजिटल जगात नातेसंबंध टिकवणं पूर्वीपेक्षा अधिक कठीण झालं आहे. कामाचा ताण, व्यस्त जीवनशैली आणि सोशल मीडियाचा वाढता वापर यामुळे पती-पत्नी किंवा कपल्समध्ये दुरावा वाढतो आहे. अशा वेळी नात्यांमध्ये नव्या स्वरूपाचे ट्रेंड्स दिसून येतात. त्यापैकीच एक म्हणजे मायक्रो-चीटिंग. (micro cheating in relationship trust issues)
हा शब्द ऐकायला छोटा वाटला तरी त्याचे परिणाम नात्यांवर मोठे असतात. कारण हे कुठलंही थेट एक्स्ट्रा मॅरिटल अफेअर नसून, छोट्या छोट्या खोटेपणातून आणि लपवाछपवीतून निर्माण होणारा अविश्वास आहे.
काय असतं मायक्रो-चीटिंग?
1) सतत एखाद्या विशिष्ट व्यक्तीसोबत गप्पा मारणं किंवा चॅट करणं
2) जुन्या नात्यांच्या आठवणींत रमून राहणं
3) मोबाईल लपवणं, मेसेज डिलीट करणं
4) दुसऱ्या व्यक्तीचं वारंवार कौतुक करणं
5) सोशल मीडियावर सतत एखाद्याच्या पोस्ट्स, फोटोवर कमेंट करणं किंवा डीएम करणं ही सर्व कृती सुरुवातीला साधीशी वाटली तरी कालांतराने जोडीदारामध्ये दुरावा निर्माण करते.
मायक्रो-चीटिंगचे संकेत
नात्यात आपला प्रियकर/ प्रियसी मायक्रो चीटिंग करतेय का हे ओळखायचे असेल तर या गोष्टी तुमच्या सोबत होतायत का याचं निरीक्षण करा. मोबाईल लपवणं किंवा सतत लॉकमध्ये ठेवणं, जुन्या पार्टनरच्या आठवणींमध्ये रमणं, छोट्या छोट्या गोष्टींबाबत खोटं बोलणं, दुसऱ्या व्यक्तीबाबत सत्य दडपणं, सोशल मीडियावर वारंवार अतिरेकी लक्ष देणं
नात्यावर होणारे परिणाम
कोणतंही नातं हे विश्वासावर आधारलेलं असतं. मायक्रो-चीटिंगमुळे तो विश्वास डळमळीत होतो. जोडीदारामध्ये संशय वाढतो, सतत भांडणं होतात, भावनिक दुरावा निर्माण होतो, शेवटी नातं तुटण्यापर्यंत पोहोचू शकतं.
काय कराल नातं वाचवण्यासाठी?
– आपल्या जोडीदाराशी स्पष्टपणे संवाद साधा
– मोबाईल किंवा सोशल मीडियावर गुप्तता न ठेवता पारदर्शक राहा
– छोट्या छोट्या गोष्टींबाबत प्रामाणिकपणा ठेवा
– एकमेकांना वेळ द्या आणि विश्वास जपा
मायक्रो-चीटिंग हा शब्द नवीन असला तरी त्याचा धोका जुना आहे तो म्हणजे अविश्वास. नात्यात पारदर्शकता आणि प्रामाणिक संवाद ठेवला, तर हा छोटासा खोटेपणा मोठा व्हिलन होण्यापासून रोखता येतो.
Comments are closed.