पाकिस्तानविरुद्ध रन चेस करताना तिलक वर्माला गौतम गंभीरने काय संदेश दिला होता? कर्णधाराने केला खुलासा

यंदाच्या आशिया कपच्या अंतिम सामन्यात पाकिस्तानविरुद्ध धावांचा पाठलाग करताना टीम इंडियाचा कर्णधार सूर्यकुमार यादवने तिलक वर्माला काय संदेश दिला होता ते उघड केले आहे. तिलक वर्मा चौथ्या क्रमांकावर फलंदाजीला आला आणि शेवटपर्यंत नाबाद राहिला. टीम इंडियाच्या जेतेपदाच्या विजयात त्याने महत्त्वाची भूमिका बजावली. त्याला सामनावीर म्हणूनही निवडण्यात आले. त्याने संजू सॅमसन आणि नंतर शिवम दुबे यांच्यासोबत भागीदारी करून संघाला विजय मिळवून दिला.

आशिया कपच्या अंतिम सामन्यानंतर कर्णधार सूर्यकुमार यादवने द इंडियन एक्सप्रेसला दिलेल्या मुलाखतीत सांगितले की, “गौतम गंभीरने तिलक वर्माला एक संदेश पाठवला होता- फक्त मैदानावर टिकून राहा, सगळं आपोआप होईल. मी तिलकसाठी खूप आनंदी आहे, कारण त्याच्यात काय क्षमता आहे हे सगळ्यांनी पाहिलं आहे.” तिलक वर्माने पाकिस्तानविरुद्ध 53 चेंडूत तीन चौकार आणि चार षटकारांसह नाबाद 69 धावा केल्या.

यंदाच्या आशिया कपच्या पहिल्या सामन्यात तिलक वर्मा फलंदाजी करू शकला नाही, जो युएई विरुद्ध खेळला गेला होता. त्यानंतर त्याने पाकिस्तान विरुद्ध 31 चेंडूत 31 धावा केल्या. ओमान विरुद्ध 18 चेंडूत 29 धावा केल्या. पाकिस्तान विरुद्धच्या सुपर 4 सामन्यात त्याने 19 चेंडूत नाबाद 30 धावा केल्या. बांगलादेश विरुद्ध तो 5 धावा करून बाद झाला, तर श्रीलंके विरुद्ध त्याने नाबाद 49 धावा केल्या आणि अंतिम सामन्यात 69 धावांची खेळी केली. त्याने 6 सामन्यात एकूण 213 धावा केल्या. तो स्पर्धेत चौथ्या क्रमांकचा सर्वाधिक धावा करणारा फलंदाज होता. तो भारताकडून दुसऱ्या क्रमांकावर सर्वाधिक धावा करणारा फलंदाज ठरला. तो अभिषेक शर्माच्या पुढे होता, जो स्पर्धेचा सर्वाधिक धावा करणारा खेळाडू होता.