रोहित-विराटचा कमबॅक! कशी असणार संपूर्ण टीम, जाणून घ्या सविस्तर

भारतीय संघाच्या सर्व चाहत्यांना ऑस्ट्रेलियाविरुद्धच्या वनडे मालिकेची खूपच उत्सुकता होती. ही मालिकेतील पहिला सामना 19 ऑक्टोबरला होणार आहे. या सामन्याद्वारे सर्वांचे आवडते खेळाडू रोहित शर्मा आणि विराट कोहली आंतरराष्ट्रीय क्रिकेटमध्ये परत येणार आहेत. या दोघांना ब्लू जर्सीत पुन्हा पाहण्यासाठी चाहते खूप उत्सुक आहेत. याशिवाय, नवीन कर्णधार शुबमन गिलसाठी हा पदार्पण सामना असल्यामुळे हा सामना चर्चेचा विषय ठरणार आहे. या सामन्यात भारत आपली सर्वोत्तम प्लेइंग 11 घेऊन मैदानात उतरणार आहे.

भारतीय संघाकडे नजर टाकली तर हर्षित राणा आणि प्रसिद्ध कृष्णा पहिल्या प्लेइंग 11 मध्ये खेळणे कठीण दिसत आहे. त्याशिवाय ध्रुव जुरेल आणि यशस्वी जयस्वाल साठीही खेळणे कठीण आहे. अशा परिस्थितीत टीम इंडिया रोहित शर्मा, शुबमन गिल (कर्णधार), विराट कोहली, श्रेयस अय्यर, केएल राहुल (विकेटकीपर), अक्षर पटेल, नीतीश कुमार रेड्डी, वॉशिंग्टन सुंदर, कुलदीप यादव, मोहम्मद सिराज आणि अर्शदीप सिंग यांच्यासह मैदानात उतरू शकते. ही प्लेइंग 11 पाहता भारतीय संघ अधिक मजबूत दिसत आहे.