मैथिली ठाकूर बिहारच्या राजकीय आखाड्यात उतरणार? भाजपच्या विनोद तावडेंच्या पोस्टने चर्चांना उधाण

बिहार निवडणूक 2025: देशाचं लक्ष लागून असलेल्या बिहार विधानसभेच्या निवडणुकांच्या तारखा अखेर जाहीर झाल्या आहेत. केंद्रीय निवडणूक आयोगाचे (Election Commission) प्रमुख ज्ञानेश कुमार यांनी बिहारच्या निवडणुकांच्या तारखा जाहीर केल्या. बिहारच्या निवडणुका या दोन टप्प्यात होणार आहेत. पहिल्या टप्प्यातील मतदान हे 6 नोव्हेंबर रोजी, तर दुसऱ्या टप्प्यातील मतदान हे 11 नोव्हेंबर रोजी होणार आहे. या निवडणुकीचा निकाल 14 नोव्हेंबर रोजी होणार आहे. अशातच आता राजकीय पार्टी आणि उमेदवारांनी आपली कंबर कसली आहे? त्याच पार्श्वभूमीवर बिहारमधील लोकप्रिय गायिका मैथिली ठाकूर (Maithili Thakur) 2025च्या विधानसभा निवडणुकीत (Bihar Elections 2025) उतरू शकतात, अशी चर्चा आहे. भाजप नेत्यांशी भेट घेतल्यामुळे ही चर्चा होत आहे. या भेटीदरम्यान तिचे वडीलही उपस्थित होते. विनोद तावडे (Vinod Tawde) आणि नित्यानंद राय (Nityanand Rai) यांच्यासोबतचा तिचा फोटो समोर आल्यानंतर, तिच्या निवडणूक लढवण्याबाबतच्या चर्चाला उधाण आले आहे.

भाजपच्या विनोद तावडेंच्या पोस्टने चर्चांना उधाण (Vinod Tawde Instagram post on Maithili Thakur)

मिळालेल्या माहितीनुसारभाजपचे विद्यमान राष्ट्रीय सरचिटणीस विनोद तावडे (Vinod Tawde) यांनी गेल्या रविवारी (5 ऑक्टोबर 2025) त्यांच्या इंस्टाग्राम हँडलवरून फोटो शेअर केले आणि लिहिले, “1995 मध्ये लालू प्रसाद यादव सत्तेत आल्यावर बिहार सोडून गेलेल्या कुटुंबातील मुलगी, प्रसिद्ध गायिका मैथिली ठाकूर, बिहारची बदलती गती पाहून बिहारला परत येऊ इच्छिते. आज गृहराज्यमंत्री नित्यानंद राय आणि मी त्यांना आग्रह केला की बिहारचा सामान्य माणूस तिच्याकडून बिहारच्या लोकांसाठी आणि त्याच्या विकासासाठी योगदान देण्याची अपेक्षा करतो आणि तिने त्यांच्या अपेक्षा पूर्ण कराव्यात. बिहारची कन्या मैथिली ठाकूर यांना शुभेच्छा!”

विनोद तावडे यांच्या पोस्टवरून असे सूचित होते की, मैथिली निवडणूक लढवू शकते. मैथिली ठाकूर यांनी X वर देखील पोस्ट केली आहे. त्यात तिने लिहिले आहे की, “बिहारसाठी मोठी स्वप्ने पाहणाऱ्यांशी होणारा प्रत्येक संवाद मला दूरदृष्टी आणि सेवेच्या शक्तीची आठवण करून देतो. नित्यानंद रायजी आणि विनोद तावडेजी यांचे मनापासून कौतुक आणि आभार.”

मैथिली ठाकूर आहे का? (मैथिली ठाकूर कोण आहे?)

मैथिली ठाकूर ही बेनीपट्टी, मधुबनी येथील रहिवासी आहे. या वर्षी जुलैमध्ये (2025) ती 25 वर्षांची झाली. निवडणूक आयोगाने मैथिली ठाकूरची बिहारची “स्टेट आयकॉन” म्हणूनही नियुक्ती केली होती हे लक्षात घेण्यासारखे आहे. भारतीय शास्त्रीय आणि लोकसंगीताचे प्रशिक्षण घेतलेल्या मैथिली ठाकूरची बिहारच्या लोकसंगीतातील योगदानाबद्दल 2021च्या संगीत नाटक अकादमीच्या उस्ताद बिस्मिल्ला खान युवा पुरस्कारासाठी निवड झाली.

बिहारच्या मधुबनी जिल्ह्यात जन्मलेल्या मैथिली ठाकूरने तिच्या दोन भावांसह तिच्या आजोबा आणि वडिलांकडून लोक आणि हिंदुस्तानी शास्त्रीय संगीत, हार्मोनियम आणि तबल्याचे प्रशिक्षण घेतले आहे. मैथिली ठाकूरने मैथिली, भोजपुरी आणि हिंदीमध्ये बिहारची पारंपारिक लोकगीते गायली आहेत. तिने इंडियन आयडल आणि सा रे गा मा यासह अनेक रिअॅलिटी शोमध्ये भाग घेतला आहे. तिचे एक YouTube चॅनेल देखील आहे आणि तिच्या दोन्ही भावांचे चॅनेल देखील आहेत.

इतर महत्वाच्या बातम्या

आणखी वाचा