उद्योगपतीसह कुटुंबीय बचावले
वृत्तसंस्था/फारुखाबाद
उत्तर प्रदेशातील फारुखाबाद जिह्यातील खिमसेपूर औद्योगिक क्षेत्रात गुरुवारी एक मोठा विमान अपघात टळला. उ•ाण घेताना एक मिनी-जेट विमान धावपट्टीवरून घसरल्यामुळे धावपट्टीच्या कडेला असलेल्या झुडुपात अडकले. सदर मिनी-जेट विमान एका उद्योगपतीच्या कुटुंबाला घेऊन खिमसेपूरला जात होते. धावपट्टीवर वेग वाढवत असताना विमान नियंत्रणाबाहेर जाऊन संरक्षक भिंतीजवळ असलेल्या झुडुपात अडकले. या अपघातात उद्योगपती आणि त्यांचे कुटुंबीय थोडक्यात बचावल्यामुळे मोठी दुर्घटना टळली. घटनेची माहिती मिळताच स्थानिक अधिकाऱ्यांनी घटनास्थळी धाव घेत तपास सुरू केला आहे.
मिळालेल्या माहितीनुसार, मोहम्मदाबाद शहरातील राज्य हवाई पट्टीवरील खिमसेपूर औद्योगिक क्षेत्रात बांधल्या जाणाऱ्या बिअर कारखान्याचे डीएमडी अजय अरोरा हे सुमित शर्मा, राकेश टिकू या अधिकाऱ्यांसह बुधवारी दुपारी 3 वाजता भोपाळहून कारखान्याच्या बांधकाम कामाची पाहणी करण्यासाठी आले होते. ते गुरुवारी सकाळी 10:30 वाजता जेट सर्व्हिस एव्हिएशन प्रायव्हेट लिमिटेडच्या खासगी जेट व्हीटी डेजने भोपाळला रवाना होत असताना ही दुर्घटना घडल्याचे सांगण्यात आले.
Comments are closed.