विराट कोहली घेणार आयपीएलमधून निवृत्ती? जाणून घ्या संपूर्ण प्रकरण

भारतीय संघाचा माजी कर्णधार विराट कोहली टी20 आणि टेस्ट क्रिकेटमधून निवृत्त झाला आहे. पण तो अजूनही वनडे आणि आयपीएलमध्ये खेळत आहे. 19 ऑक्टोबरपासून भारतीय संघ आणि ऑस्ट्रेलिया यांच्यात 3 सामन्यांची वनडे मालिका सुरू होणार आहे, आणि या मालिकेत विराट कोहली खेळताना दिसणार आहे. परंतु, या मालिकेपूर्वीच एक मोठा रिपोर्ट समोर आला आहे ज्यामुळे कोट्यवधी चाहत्यांच्या मनात शंका वाढत आहेत. हा रिपोर्ट विराट कोहलीच्या आयपीएलमधील निवृत्तीशी संबंधित आहे.

रेव्हस्पोर्ट्सचे पत्रकार रोहित जुगलानच्या रिपोर्टनुसार, विराट कोहली आरसीबीच्या ब्रँड ऑपरेशनशी संबंधित एका बिझनेस कॉन्ट्रॅक्टच्या विस्तारावर स्वाक्षरी करणार होता, पण नंतर कोहलीने या करारावर स्वाक्षरी न करण्याचा निर्णय घेतला. याबाबत आतापर्यंत विराट कोहली किंवा आरसीबीकडून कोणतेही अधिकृत बातमीपत्रक समोर आलेले नाही, पण या बातमीने लोकांना आश्चर्यचकित केले आहे.

रोहित जुगलान यांनी सांगितले, “मागील मेगा ऑक्शनपूर्वी मला असा अंदाज आला होता की आयपीएल 2026 च्या सुरुवातीपूर्वी विराट कोहलीला कोणत्यातरी ब्रँडसोबत आपला कॉन्ट्रॅक्ट अपडेट करावा लागेल. पण बातमी अशी आहे की त्यांने आपले कॉन्ट्रॅक्ट अद्याप अपडेट केलेले नाही. आता चर्चांमध्ये असे सांगितले जात आहे की, विराट कोहलीला वाटत आहे की आरसीबी फ्रँचायझीने त्याच्या चेहऱ्याचा वापर न करता पुढील योजना तयार करावी.”