सदोष मतदार याद्यांसह निवडणूक म्हणजे तमाशा! संजय राऊतांचा घणाघात, भाजप आणि दोन बगलबच्चे पक्ष घोटाळे करण्याची फॅक्टरी असल्याची टीका

सदोष मतदार याद्यांसह निवडणूक म्हणजे फार्स आणि तमाशा असल्याचा घणाघात शिवसेना (उद्धव बाळासाहेब ठाकरे) नेते, खासदार संजय राऊत यांनी केली. ते गुरुवारी सकाळी माध्यमांशी संवाद साधत होते. यावेळी त्यांनी निवडणूक हा भाजपच्या कार्यकर्त्याप्रमाणे काम करत असल्याची आणि सत्य ऐकायला, पहायला तयार नसल्याची टीकाही केली. तसेच भाजप आणि दोन बगलबच्चे पक्ष घोटाळे करण्याची फॅक्टरी असल्याचेही ते म्हणाले.

सर्वपक्षीय शिष्टमंडळाने सलग दोन दिवस मुख्य निवडणूक अधिकाऱ्यांची भेट घेतली. याबाबत विचारले असता संजय राऊत म्हणाले की, निवडणूक मतदार याद्यांमध्ये जो घोळ आणि घोटाळे आहेत त्या संदर्भात दोन दिवस निवडणूक आयोगासोबत चर्चा झाली. निवडणूक याद्याच जर गुन्हेगारी स्वरुपाच्या, फ्रॉड आणि सदोष असतील तर त्या निवडणुकीला अर्थ काय? लोकशाहीमध्ये एक-एक मत महत्त्वाचे आहे. ते मतच चुकीच्या पद्धतीने जाणार असेल तर निवडणुकीला अर्थ काय? अशी स्पष्ट भूमिका सर्व नेत्यांनी उदारहणांसह मांडली.

त्रुटी आहेत तर निवडणुका का घेता? इलेक्शनपेक्षा सिलेक्शन करून मोकळे व्हा – उद्धव ठाकरे