युवासेनेची भक्कम बांधणी करून शिवसेनेला बळकटी आणणार, गतवैभव परत मिळवून देणार! प्रसाद सावंत यांनी व्यक्त केला विश्वास

माझी जबाबदारी आणखी वाढली असून, युवासेनेची भक्कम बांधणी करून शिवसेनेला बळकटी आणणे आणि माझ्या शिवसेनेचे गतवैभव परत मिळवून देणे हे माझे पहिले ध्येय असेल असा विश्वास युवासेना रत्नागिरी (दक्षिण) जिल्हा युवाधिकारी प्रसाद सावंत यांनी दिला. नवनिर्वाचित युवासेना रत्नागिरी (दक्षिण) जिल्हा युवाधिकारी प्रसाद सावंत यांचा सत्कार सोहळा शिवसेना नेते तथा रत्नागिरी-सिंधुदुर्ग लोकसभा मतदारसंघाचे माजी खासदार विनायक राऊत यांच्या संपर्क कार्यालयात झाला. त्यावेळी सत्काराला उत्तर देताना ते बोलत होते.

ते म्हणाले, “युवसेनेच्या जिल्हा युवाधिकारी पदी माझी नियुक्ती जाहीर झाली हे माझ्यासाठी अभिमानास्पद आहे. एका लढवय्या संघटनेचा जिल्हायुवाधिकारी होणे हे माझ्यासाठी गौरवास्पद आहे. खऱ्या अर्थाने ही माझ्या कामाची पोच पावती आहे असं समजतो. भारतीय विद्यार्थी सेनेचा कॉलेज उपाध्यक्ष म्हणून मी माझी राजकीय कारकीर्द सुरू केली. त्यानंतर शिवसेनेचा उपविभाग प्रमुख झालो. युवासेनेचा पहिला तालुका युवाधिकारी म्हणून काम करण्याची संधी मला मिळाली. त्यानंतर शिवसेना शहर संघटक पद सांभाळले. हे पद सांभाळत असताना संघटनेच्या संघर्षाच्या काळात पुन्हा माझ्यावर युवासेना तालुका युवाधिकारी पदाची जबाबदारी देण्यात आली. या सर्व पदाला मी प्रामाणिकपणे न्याय देण्याचा प्रयत्न केला आहे असे सावंत यांनी सांगितले.

यावेळी शिवसेना उपनेते, माजी आमदार बाळ माने, तालुकाप्रमुख शेखर घोसाळे, शहरप्रमुख प्रशांत साळुंखे, प्रवीण साळवी, सलिल डाफळे, विजय देसाई, बिपीन शिवलकर, साजिद पावसकर, अमित खडसोडे, प्रशांत सुर्वे, रोहित मयेकर, दीपंकर भोळे, रूहान सिकंदर, निलेश पवार, साहिल कोकरे, नयन साळवी, राजेश सुर्वे, सुमित नागवेकर, दिलावर गोदड, आशिष कांबळे, संभाजी सावंत देसाई, रशीदा गोदड, उन्नती कोळेकर, गंधाली मयेकर, रेश्मा कोळंबेकर, हीना दळवी, पूजा जाधव, राजश्री शिवलकर, सेजल बोराडे, मिताली पवार, निखिल बने, पारस साखरे, अमन राणे, विश्वास राणे, संदेश नारगुडे यांच्यासह शिवसेना युवासेना पदाधिकारी मोठ्या संख्येने उपस्थित होते.