विराट कोहली सलग दुसऱ्या वेळा शून्यावर बाद, इतिहासात पहिल्यांदा घडले असे; या गोलंदाजाने घेतला विकेट!

विराट कोहली सलग दुसऱ्यांदा शून्य धावांवर बाद झाला. अ‍ॅडलेड ओव्हल येथे सुरु असलेल्या ऑस्ट्रेलियाविरुद्धच्या दुसऱ्या एकदिवसीय सामन्यात झेवियर बार्टलेटने त्याला एलबीडब्ल्यू बाद केला. कोहली रोहितशी थोडा वेळ बोलला आणि नंतर रिव्ह्यू न घेण्याचा निर्णय घेत मैदानाबाहेर गेला. एकदिवसीय इतिहासात सलग दोन सामन्यात कोहलीला खाते उघडता आले नाही अशी ही पहिलीच वेळ आहे.

तत्पूर्वी, नाणेफेक जिंकल्यानंतर, मिचेल मार्शने प्रथम गोलंदाजी करण्याचा निर्णय घेतला. शुबमन गिल आणि रोहित शर्मा यांनी डावाची सुरुवात केली, दोघेही सावधपणे फलंदाजी करत होते, परंतु गिलने शॉट मारण्याचा प्रयत्न करताना तो झेलबाद झाला. त्यानंतर विराट कोहली मैदानावर आला आणि त्याच्याकडून मोठी खेळी अपेक्षित होती, कारण अ‍ॅडलेड ओव्हल त्याच्या आवडत्या मैदानांपैकी एक आहे. इथेही पण तो शून्य धावांवर बाद झाला.

26 वर्षीय झेवियर बार्टलेटने सातव्या षटकाच्या पाचव्या चेंडूवर विराट कोहलीला बाद केले. बार्टलेटची चेंडू चांगली लांबीची होती. कोहलीने हा इनस्विंग चेंडू त्याच्या मागच्या पायाने मिड-विकेटकडे नेण्याचा प्रयत्न केला, पण चेंडू त्याच्या बॅटला लागला नाही. चेंडू त्याच्या पॅडवर आदळला, ज्यामुळे अपील करण्यात आले आणि पंचांनी तो बाद घोषित केला. कोहली रोहितशी थोडा वेळ बोलला, पण तो बाद झाला असून डीआरएस घेऊ नये असे ठरवले. चार चेंडू खेळल्यानंतर तो शून्यावर पॅव्हेलियनमध्ये परतला.

हे बार्टलेटचे पहिलेच षटक होते. त्याने पहिल्याच चेंडूवर शुबमन गिलच्या रूपात भारताची पहिली विकेट बाद केली होती. गिलने नऊ चेंडूत नऊ धावा काढल्या.

300 हून अधिक एकदिवसीय सामने खेळणारा विराट कोहली सलग दोन एकदिवसीय सामन्यांमध्ये शून्यावर बाद होण्याची ही इतिहासातील पहिलीच वेळ आहे. पर्थमधील पहिल्या एकदिवसीय सामन्यात त्याला मिचेल स्टार्कने बाद केले.