दोन भारतीय खेळाडू ठरल्या ‘रन मशीन’; जाणून घ्या विश्वचषकातील सर्वाधिक धावा करणाऱ्या फलंदाज

2025 चा आयसीसी महिला विश्वचषक भारत आणि श्रीलंकेत खेळला जात आहे. 2025 ची विश्वचषक मोहीम आता उपांत्य फेरीत पोहोचली आहे. इंग्लंड आणि दक्षिण आफ्रिका यांच्यातील पहिला उपांत्य सामना 29 ऑक्टोबर रोजी गुवाहाटी येथे खेळला जाईल, ऑस्ट्रेलिया आणि भारत यांच्यातील दुसरा उपांत्य सामना 30 ऑक्टोबर रोजी खेळला जाईल. विश्वचषक अंतिम सामना 2 नोव्हेंबर रोजी नवी मुंबईत होणार आहे. या स्पर्धेत फलंदाजांनी प्रभावी कामगिरी केली आहे. भारतीय संघाची स्टार स्मृती मानधना 2025 च्या विश्वचषकात सर्वाधिक धावा करणाऱ्या फलंदाजांमध्ये आहे. २०२५ च्या महिला विश्वचषकात सर्वाधिक धावा करणाऱ्या टॉप-5 फलंदाजांबद्दल जाणून घ्या.

2025 च्या महिला विश्वचषकात सर्वाधिक धावा करणाऱ्या टॉप-5 फलंदाज

1. स्मृती मानधना (भारत) – 365 धावा – भारतीय संघाची सलामीवीर स्मृती मानधना 2025 च्या महिला विश्वचषकात सर्वाधिक धावा करणाऱ्या टॉप-5 खेळाडूंच्या यादीत अव्वल स्थानावर आहे. स्मृतीने 7 सामने खेळले आहेत, 102.52 च्या प्रभावी स्ट्राईक रेटने 365 धावा केल्या आहेत.

2. प्रतीका रावल (भारत) – 308 धावा – भारताची स्फोटक सलामीवीर प्रतीका रावल 2025 च्या महिला विश्वचषकात सर्वाधिक धावा करणाऱ्या खेळाडूंच्या यादीत दुसऱ्या क्रमांकावर आहे. प्रतीकाने 7 सामन्यात 51.33 च्या प्रभावी सरासरीने 308 धावा केल्या आहेत.

3. लॉरा वोल्वार्ड (दक्षिण आफ्रिका) – 301 धावा – दक्षिण आफ्रिकेची कर्णधार लॉरा वोल्वार्ड 2025 च्या महिला विश्वचषकात सर्वाधिक धावा करणाऱ्या खेळाडूंच्या यादीत तिसऱ्या क्रमांकावर आहे. वोल्वार्डने 7 सामने खेळले आहेत, 89.31 च्या प्रभावी स्ट्राईक रेटने 301 धावा केल्या आहेत.

4. अ‍ॅलिसा हीली (ऑस्ट्रेलिया) – 294 धावा – 2025 च्या महिला विश्वचषकात सर्वाधिक धावा करणाऱ्या खेळाडूंच्या यादीत ऑस्ट्रेलियन कर्णधार अ‍ॅलिसा हीली चौथ्या स्थानावर आहे. हीलीने चार सामन्यांमध्ये 98.00 च्या सरासरीने आणि 131.25 च्या प्रभावी स्ट्राईक रेटने 294 धावा केल्या आहेत.

5. सोफी डेव्हाईन (न्यूझीलंड) – 289 धावा – 2025 च्या महिला विश्वचषकात सर्वाधिक धावा करणाऱ्या खेळाडूंच्या यादीत न्यूझीलंडची कर्णधार सोफी डेव्हाईन पाचव्या स्थानावर आहे. डेव्हाईनने सात सामन्यांमध्ये पाच डावांमध्ये 57.80 च्या प्रभावी सरासरीने 289 धावा केल्या आहेत.