IND vs AUS 2nd T20I: अभिषेक शर्माची झंझावाती खेळी व्यर्थ, ऑस्ट्रेलियाने १७ वर्षांनंतर भारताचा पराभव केला

भारताकडून गोलंदाजीत वरुण चक्रवर्ती, जसप्रीत बुमराह आणि कुलदीप यादव यांनी २-२ बळी घेतले.

तत्पूर्वी, फलंदाजीसाठी आमंत्रण मिळाल्यानंतर भारतीय संघ 18.4 षटकांत 125 धावांत सर्वबाद झाला. भारतीय संघाची सुरुवात खराब झाली आणि संघ 49 धावांवर निम्मा झाला. यानंतर अभिषेक शर्माने हर्षित राणासोबत डावाची धुरा सांभाळत सहाव्या विकेटसाठी ५६ धावांची भागीदारी केली.

सर्वाधिक धावा करणाऱ्या अभिषेकने 37 चेंडूत 68 धावांची खेळी केली, ज्यात त्याने 8 चौकार आणि 2 षटकार मारले. तर हर्षितने 33 चेंडूंत 3 चौकार आणि 1 षटकाराच्या मदतीने 35 धावांची खेळी केली. या दोघांशिवाय अन्य कोणत्याही खेळाडूला दुहेरी आकडा गाठता आला नाही.

ऑस्ट्रेलियाकडून गोलंदाजीत जोश हेझलवूडने 3, झेवियर बार्टलेट आणि नॅथन एलिसने प्रत्येकी 2 आणि मार्कस स्टॉइनिसने 1 बळी घेतला.

मालिकेतील तिसरा आंतरराष्ट्रीय सामना रविवारी (२ नोव्हेंबर) होबार्ट येथे खेळवला जाणार आहे.