AUS vs IND, पाचवा T20I सामना: ब्रिस्बेनच्या मैदानावर भारतीय संघाची कामगिरी कशी आहे? रेकॉर्ड जाणून घ्या

दिल्ली: भारतीय क्रिकेट संघाने ऑस्ट्रेलियाविरुद्धच्या चौथ्या T20 आंतरराष्ट्रीय सामन्यात चमकदार कामगिरी करत 48 धावांनी विजय मिळवला आणि पाच सामन्यांच्या T20 मालिकेतील पराभवाचा धोका टळला. आता टीम इंडियाच्या नजरा ही मालिका जिंकण्यावर आहेत. शेवटचा आणि निर्णायक सामना 8 नोव्हेंबर रोजी ब्रिस्बेनच्या गाबा स्टेडियमवर खेळवला जाईल.

गाबामध्ये भारताचा यापूर्वीचा विक्रम

भारतीय संघाने आतापर्यंत ब्रिस्बेनच्या गाबा स्टेडियमवर एकच टी-२० आंतरराष्ट्रीय सामना खेळला आहे. हा सामना 2018 साली खेळला गेला होता, ज्यामध्ये भारताला डकवर्थ-लुईस नियमानुसार 4 धावांनी पराभव स्वीकारावा लागला होता. त्या सामन्यात ऑस्ट्रेलियाने प्रथम फलंदाजी करत 158 धावा केल्या होत्या. प्रत्युत्तरात भारतासमोर 17 षटकांत 171 धावांचे लक्ष्य होते, मात्र संघाला 169 धावाच करता आल्या.

गाबामध्ये ऑस्ट्रेलियाचा दबदबा

गाब्बा स्टेडियमवर ऑस्ट्रेलियाचा T20 आंतरराष्ट्रीय रेकॉर्ड अतिशय उत्कृष्ट आहे. येथे आतापर्यंत झालेल्या 8 सामन्यांपैकी 7 मध्ये कांगारू संघ विजयी ठरला आहे. त्यांना या मैदानावर 2013 मध्ये वेस्ट इंडिजविरुद्ध 27 धावांनी शेवटचा पराभव स्वीकारावा लागला होता. यानंतर ऑस्ट्रेलियाने गाबामध्ये सलग 5 सामने जिंकले आहेत.

टीम इंडियासाठी मोठं आव्हान

गाब्बाच्या वेगवान आणि उसळत्या खेळपट्टीवर यजमान ऑस्ट्रेलियाला पराभूत करणे कोणत्याही संघासाठी आव्हानात्मक आहे. अशा स्थितीत सूर्यकुमार यादवच्या नेतृत्वाखालील टीम इंडियासमोर या ऐतिहासिक मैदानावर विजयाची नोंद करून मालिका जिंकण्याचे मोठे आव्हान असेल.

संबंधित बातम्या