IND vs AUS: अभिषेक शर्मानं रचला नवा वर्ल्ड रेकाॅर्ड! टी20मध्ये अशी कामगिरी करणारा पहिला भारतीय

भारत विरुद्ध ऑस्ट्रेलिया यांच्यातील पाच सामन्यांच्या टी-20 मालिकेतील शेवटचा सामना ब्रिस्बेनमधील गाबा स्टेडियमवर खेळला जात आहे. या सामन्यात टीम इंडियाचा डावखुरा सलामीवीर अभिषेक शर्माने एक विश्वविक्रम रचला आहे. पाचव्या टी-20 सामन्यात नाणेफेक जिंकल्यानंतर ऑस्ट्रेलियन कर्णधार मिशेल मार्शने प्रथम गोलंदाजी करण्याचा निर्णय घेतला. त्यानंतर, अभिषेक शर्मा आणि शुबमन गिल या सलामीवीर जोडीने आक्रमक सुरुवात केली. अभिषेकने त्याच्या डावातील 11वा धाव पूर्ण करताच, त्याने एक मोठा विश्वविक्रम गाठला.

गाबा येथे ऑस्ट्रेलियाविरुद्धच्या टी-20 मालिकेतील पाचव्या सामन्यात अभिषेक शर्माने त्याच्या डावातील 10वा धाव पूर्ण करताच तो सर्वात कमी चेंडूत टी-20 आंतरराष्ट्रीय सामन्यात 1000 धावा पूर्ण करणारा खेळाडू बनला. यापूर्वी, हा विक्रम ऑस्ट्रेलियन खेळाडू टिम डेव्हिडच्या नावावर होता, ज्याने 569 चेंडूत 1000 टी-20 आंतरराष्ट्रीय धावा पूर्ण केल्या. अभिषेक शर्माने फक्त 528 चेंडूत हा टप्पा गाठला. यादीत तिसऱ्या क्रमांकावर भारतीय टी-20 संघाचा कर्णधार सूर्यकुमार यादव आहे, ज्याने 573 चेंडूत 1000 आंतरराष्ट्रीय टी-20 धावा पूर्ण केल्या.

आंतरराष्ट्रीय टी-20 सामन्यांमध्ये सर्वात कमी चेंडूत 1000 धावा पूर्ण करणारे खेळाडू:

अभिषेक शर्मा (भारत) – 528 चेंडू
टिम डेव्हिड (ऑस्ट्रेलिया) – 569 चेंडू
सूर्यकुमार यादव (भारत) – 573 चेंडू
फिल सॉल्ट (इंग्लंड) – 599 चेंडू

आंतरराष्ट्रीय टी-20 सामन्यांमध्ये सर्वात कमी डावांमध्ये 1000 धावा पूर्ण करण्याचा विक्रम विराट कोहलीच्या नावावर आहे, त्याने 27 डावांमध्ये ही कामगिरी केली. अभिषेक शर्माने आता यादीत दुसऱ्या स्थानावर झेप घेतली आहे, त्याने 28 डावांमध्ये आंतरराष्ट्रीय टी-20 सामन्यांमध्ये 1000 धावा पूर्ण केल्या आहेत. 2025 मध्ये आतापर्यंत अभिषेक शर्मा फलंदाजीसह उत्कृष्ट फॉर्ममध्ये आहे, संघाला मजबूत सुरुवात देण्यात त्याने सातत्याने महत्त्वाची भूमिका बजावली आहे.