बाबर आझमचा शतकी दुष्काळ 806 दिवसांनी संपला! सईद अन्वरची बरोबरी करून पाकिस्तानसाठी इतिहास रचला

पाकिस्तानसाठी एकदिवसीय सामन्यात सर्वाधिक शतके करणारा फलंदाज

1. बाबर आझम – २० शतके (१३९ सामने)
2. सईद अन्वर – २० शतके (२४७ सामने)
3. मोहम्मद युसूफ – १५ शतके (२८१ सामने)

सामन्याबद्दल बोलायचे झाले तर, श्रीलंकेने प्रथम फलंदाजी करत 288 धावांची आव्हानात्मक धावसंख्या उभारली. संघासाठी कामिंदू मेंडिसने 38 चेंडूत 44 धावांची खेळी केली, तर जेनिथ लियांगे (54) आणि सदिरा समरविक्रमा (42) यांनी महत्त्वाचे योगदान दिले.

लक्ष्याचा पाठलाग करताना पाकिस्तानची दमदार सुरुवात झाली. फखर जमानने 78 धावा करत डावाचा पाया रचला, तर सॅम अयुबने 33 धावा जोडून त्याला चांगली साथ दिली. यानंतर बाबर आझम आणि मोहम्मद रिझवान यांनी सामना एकतर्फी केला. दोघांनी मिळून तिसऱ्या विकेटसाठी ११२ धावांची नाबाद भागीदारी केली आणि पाकिस्तानला ८ विकेटने सहज विजय मिळवून दिला. रिझवाननेही 54 चेंडूत नाबाद 51 धावा केल्या.

एकूण निकाल असा झाला की पाकिस्तानने 48.2 षटकांत 8 गडी राखून विजय मिळवला आणि मालिकेत 2-0 अशी आघाडी घेतली. आता मालिकेतील तिसरा आणि शेवटचा सामना याच मैदानावर रविवारी (१६ नोव्हेंबर) होणार आहे.