राष्ट्रीय

श्रीनगरच्या नौगाम पोलिस स्टेशनमध्ये स्फोट, 7 ठार, 30 जखमी, व्हिडिओमध्ये दिसले भयानक दृश्य

By Marathi

शुक्रवारी (14 नोव्हेंबर) रात्री 11.20 वाजता श्रीनगरमधील नौगाम पोलिस स्टेशनमध्ये शक्तिशाली स्फोट झाला. या अपघातात सात जणांचा मृत्यू झाला असून सुमारे 30 जण जखमी झाले आहेत. स्फोट इतका जोरात होता की त्याचा आवाज नौगाम तसेच छनपोरा, सनतनगर, रावळपोरा आणि पांथा चौक परिसरात ऐकू आला. स्फोटानंतर पोलीस ठाण्याच्या आवारात आग लागली आणि डझनहून अधिक वाहने जळून खाक झाली. आजूबाजूच्या घरांच्या खिडक्यांना तडे गेल्याने लोकांमध्ये भीतीचे वातावरण निर्माण झाले.

कसा झाला स्फोट?

सूत्रांनी दिलेल्या माहितीनुसार, एफएसएल टीम, पोलीस आणि तहसीलदार फरीदाबाद येथून जप्त करण्यात आलेल्या अमोनियम नायट्रेट स्फोटकांच्या नमुन्यांची तपासणी करत असताना हा स्फोट झाला. प्राथमिक माहितीनुसार हा दहशतवादी हल्ला नसून पाहणीदरम्यान झालेला अपघात असल्याचे समजते. मात्र, अद्याप याला अधिकृत दुजोरा मिळालेला नाही.

हे पोलीस ठाणे जैश-ए-मोहम्मद आणि अन्सार गजवत-उल-हिंदच्या व्हाईट कॉलर दहशतवादी मॉड्यूलच्या तपासाचे केंद्र होते. गेल्या काही दिवसांत पोलिसांनी विविध राज्यांतून अनेक संशयितांना अटक केली होती. या प्रकरणांमुळे फरिदाबाद येथून नौगाम पोलिस ठाण्यात 360 किलो स्फोटक सामग्रीही आणण्यात आली होती. संपूर्ण स्फोटक इथे ठेवले होते की त्याचा काही भाग होता हे स्पष्ट झालेले नाही.

स्फोटानंतर आग पोलिस ठाण्याच्या आवारात वेगाने पसरली. प्रत्यक्षदर्शींनी सांगितले की, त्यांनी दुरून उंच ज्वाळा उठताना पाहिल्या आणि काही लोकांचे मृतदेहही दिसले. पोलिसांनी तत्काळ संपूर्ण परिसर सील केला असून घटनास्थळाजवळ कोणालाही जाऊ दिले जात नाही. अग्निशमन दल आणि निमलष्करी दल घटनास्थळी तैनात असून आग आटोक्यात आणण्यात आली आहे. जखमींना SMHS हॉस्पिटल, उजाला सिग्नस आणि 92 बेस हॉस्पिटलमध्ये दाखल करण्यात आले आहे.

फरीदाबाद आणि दिल्लीत नुकत्याच झालेल्या स्फोटक आणि स्फोटांच्या घटनांनंतर सुरक्षा यंत्रणांसाठी ही घटना चिंतेची बाब बनली आहे.

हेही वाचा- दिल्ली लाल किल्ला स्फोट अपडेट: दहशतवादी दिल्ली-एनसीआरच्या या ठिकाणी स्फोट घडवणार होते

Marathi 594 posts 0 comments
You might also like More from author

Comments are closed.