IPL 2026 नीलामीत या नियमामुळे 3 दिग्गज खेळाडू सहभागी होऊ शकणार नाहीत? यादीमध्ये इंग्लंड कर्णधाराचाही समावेश

आयपीएल 2026 चा ऑक्शन 16 डिसेंबरला अबू धाबीमध्ये होणार आहे. या नीलामीत जास्तीत जास्त 77 खेळाडूंवर बोली लावली जाऊ शकते. पुढील हंगामासाठी सर्व 10 संघांनी मिळून 173 खेळाडूंना रिटेन केले आहे, त्यामुळे 77 स्लॉट्स अजून रिकामे आहेत. आंद्रे रसेल, ग्लेन मॅक्सवेल, डेविड मिलर यांसारखे दमदार टी20 स्पेशलिस्ट खेळाडू या ऑक्शनमध्ये दिसू शकतात. पण काही खेळाडू असेही आहेत, जे हवं असूनही IPL 2026 च्या मिनी ऑक्शनचा भाग बनू शकणार नाहीत.

बीसीसीआयने आयपीएल 2025 च्या मेगा ऑक्शनपूर्वी काही नवे नियम लागू केले होते पहिला नियम असा की, कोणत्याही विदेशी खेळाडूने मेगा ऑक्शनसाठी स्वतःची नोंदणी (रजिस्ट्रेशन) करणे आवश्यक आहे. जर नोंदणी केली नाही, तर त्या खेळाडूला पुढील वर्षी होणाऱ्या ऑक्शनमध्ये सहभागी होता येणार नाही. दुसरा नियम असा की, जर एखादा खेळाडू ऑक्शनमध्ये विकत घेतला गेल्यानंतर सीझन सुरू होण्याआधीच माघार घेतो, तर त्याच्यावर 2 वर्षे ऑक्शन आणि IPL दोन्हीपासून बंदी लागू होईल.

बेन स्टोक्स

या यादीत इंग्लंडचा कसोटी कर्णधार बेन स्टोक्सचा (Ben Stocks) समावेश आहे. त्याने मागील मेगा ऑक्शनसाठी नोंदणी केली नव्हती. कारण म्हणून त्याने सांगितले होते की, त्याला फिटनेसवर लक्ष केंद्रित करून इंग्लंडसाठी करिअर लांबवायचे आहे. रजिस्ट्रेशन न केल्याने आता तो IPL 2026 च्या मिनी ऑक्शनचा भाग होऊ शकत नाही.

हॅरी ब्रूक

इंग्लंडच्या वनडे आणि टी20 संघाचा कर्णधार हॅरी ब्रूकने (harry Brook) 2024 मध्ये आपल्या आजीच्या निधनामुळे IPL मधून माघार घेतली होती. त्याशिवाय IPL 2025 मेगा ऑक्शनमध्ये दिल्ली कॅपिटल्सने त्याला 6.25 कोटींना घेतल्यानंतरही त्याने इंग्लंड करिअरवर लक्ष देण्यासाठी स्पर्धेतून माघार घेतली. त्यामुळे त्याच्यावर 2 वर्षांची बंदी लागू झाली आणि तोही या वर्षीच्या नीलामीत सहभागी होऊ शकणार नाही.

जेसन रॉय

जेसन रॉय (jason Roy) हा इंग्लंडचा आक्रमक ओपनर राहिला आहे. त्याने आयपीएल 2024 मधून वैयक्तिक कारणांमुळे नाव मागे घेतले होते. तसेच 2025 मेगा ऑक्शनमध्येही त्याचे नाव नव्हते. 2025 मध्ये नोंदणी नसल्यामुळे आता तो IPL 2026 मिनी ऑक्शनमध्येही सहभागी होऊ शकत नाही.