अनेकदा दैनंदिन जीवनात काही नकळत केलेल्या चुकांचे किडनीवर गंभीर नकारात्मक परिणाम होऊ शकता. यामुळे किडनी निकामी होण्याचा धोका वाढतो. त्यामुळे किडनीच्या आरोग्याकडं दुर्लक्ष करणं महागात पडू शकते. या चुकांमुळे किडनीवर होणारे परिणाम हे लगेच दिसून येत नाहीत पण कालांतराने गंभीर समस्या जाणवण्यास सुरुवात होते.
वेदनाशामक औषधे
बहुतांश वेळा डोकेदुखी, पोटदुखी किंवा शरीरात कुठे वेदना होत असतील तर त्यावर उपाय म्हणून वेदनाशामक औषधे हमखास घेतली जातात. तज्ञांच्या सल्ल्याशिवाय ही औषधे घेण्याची अनेकांना सवय असते. मात्र जास्त प्रमाणात ही औषधं घेणं किडनीसाठी घातक ठरू शकतं. त्यामुळे शक्यतो ही औषधं घेण्यापूर्वी तज्ञांचा सल्ला घ्यावा. तसेच योगा, स्ट्रेचिंग व्यायाम करावं, ज्यामुळे शरीरात जाणवणाऱ्या वेदना कमी होतात.
हर्बल पूरक
बऱ्याच लोकांचा असा समज असतो की हर्बल उपचार सुरक्षित असतात, पण काही सप्लिमेंट्समध्ये शिसे, पारा किंवा आर्सेनिक सारख्या धातूंचं प्रमाण असतं. हर्बल सप्लिमेंट्स घेतल्याने कालांतराने मूत्रपिंडात हे विषारी पदार्थ जमा होऊ शकतात, ज्यामुळे गंभीर नुकसान होऊ शकते. शिवाय अनेक संशोधनातून असं समोर आलं आहे की, अनेक कमी दर्जाचे हर्बल उत्पादने मूत्रपिंडाच्या आजाराचा धोका वाढवतात.
उच्च रक्तातील साखरेकडे दुर्लक्ष
उच्च रक्तातील साखर हे मूत्रपिंडाच्या आजाराचे एक प्रमुख कारण आहे. वाढलेली HbA1c पातळी मूत्रपिंडांच्या फिल्टरिंग युनिट्सवर सतत ताण देऊ शकते, ज्यामुळे त्यांतील रक्त-पाणी संतुलन बिघडू शकते. अनियंत्रित रक्तातील साखरेमुळे मधुमेहाच्या मूत्रपिंडाच्या आजाराचा धोका लक्षणीयरीत्या वाढतो. वारंवार वेदनाशामक औषधे घेतल्याने किंवा हानिकारक सप्लिमेंट्स घेतल्याने हा धोका आणखी वाढतो.
हे लक्षात ठेवा:
मूत्रपिंडाचे नुकसान टाळण्यासाठी, रक्तातील साखर नियंत्रित करणे महत्वाचे आहे. निरोगी आहार, व्यायामामुळे रक्तातील साखरेची पातळी नियंत्रणात ठेवण्यास मदत होते.
Comments are closed.