टीम इंडियाने केला एक खास विक्रम, भारतीय क्रिकेटच्या इतिहासात पहिल्यांदाच घडलं आहे.

दिल्ली: भारत आणि दक्षिण आफ्रिका यांच्यातील कसोटी मालिकेतील दुसरा आणि शेवटचा सामना गुवाहाटी येथील बारसापारा क्रिकेट स्टेडियमवर खेळवला जात आहे. या कसोटीत टीम इंडियाने ऐतिहासिक विक्रम केला आहे. 8व्या विकेटनंतर, पहिल्या डावातील संघर्षमय परिस्थितीमध्ये, वॉशिंग्टन सुंदर आणि कुलदीप यादव यांनी मिळून 200 हून अधिक चेंडूंची भागीदारी केली.

सुंदर-कुलदीपने विक्रम केला

भारताने दक्षिण आफ्रिकेविरुद्ध 8व्या किंवा त्यापेक्षा कमी क्रमांकावर असलेल्या कोणत्याही विकेटसाठी एवढी मोठी भागीदारी करण्याची ही पहिलीच वेळ आहे. सुंदर आणि कुलदीपने मिळून 208 चेंडूत 72 धावा केल्या. यापूर्वी 2015 मध्ये दिल्ली कसोटीत अजिंक्य रहाणे आणि रविचंद्रन अश्विन यांनी 193 चेंडूत 98 धावा जोडल्या होत्या.

गुवाहाटी कसोटीच्या पहिल्या डावात भारताने झटपट विकेट गमावल्या. पण, कुलदीप यादव आणि वॉशिंग्टन सुंदर यांनी धाडसी फलंदाजी करत संघाला मोठ्या फरकाने फॉलोऑनच्या मार्गावर जाण्यापासून वाचवले. सुंदरने 48 धावा केल्या, तर कुलदीप यादवने 124 चेंडूत 19 धावांची मौल्यवान खेळी केली. दोन्ही खेळाडूंनी कठीण परिस्थितीत संयम दाखवला आणि दक्षिण आफ्रिकेच्या तगड्या गोलंदाजीसमोर विकेट गमावल्या नाहीत.

दक्षिण आफ्रिकेने पहिल्या डावात ४८९ धावांची मोठी मजल मारली होती. प्रत्युत्तरात भारतीय संघ 201 धावांवर ऑलआऊट झाला. सध्या संघ दक्षिण आफ्रिकेच्या 288 धावांनी मागे आहे.

संबंधित बातम्या