Nagpur : भाजपच्या नगरपरिषद उमेदवार अन् कार्यकर्त्यांकडून पोलीस शिपायाला मारहाण; परिसरात खळबळ

नागपूर क्राईम न्यूज : नागपूर जिल्ह्यातील डिगडोह देवी परिसरात अत्यंत धक्कादायक घटना उघडकीस आली आहे. हिंगणा पोलीस स्टेशनमध्ये कार्यरत असलेले पोघेतलास शिपाई वृषभ भातुलकर यांना भाजप नगरपरिषद उमेदवार अनिल शर्मा आणि त्यांच्या कार्यकर्त्यांनी सामूहिक मारहाण, जीवघेणी धमकी , प्रयत्न व शिवीगाळ केल्याचा गंभीर आरोप केल्याचे देखील समोर आलं आहे.

मिळालेल्या माहितीनुसार, हि घटना 24 नोव्हेंबर 2025 रोजी रात्री घडली. पोलिस शिपाई भातुलकर ड्युटीवरून घरी परतल्यानंतर सोसायटीत भाजप (BJP) कार्यकर्त्यांच्या घरी DJ मोठ्या आवाजात सुरू असल्याचे दिसले. काही दिवसांपूर्वी त्यांच्या मुलीच्या पहिल्या वाढदिवसाच्या कार्यक्रमावेळी साउंड बंद करण्यासाठी सोसायटी सचिव अभयकुमार दास यांनी दडपशाही केली होती. या भेदभावाबद्दल त्यांनी सचिवाला विचारणा केली, एवढ्यावरून त्यांना खाली बोलावून घेण्यात आले.

क्राईम न्यूज : १२ भाजप कार्यकर्त्यांकडून एकट्या पोघेतलाएडीला मारहाण

दरम्यानभातुलकर खाली पोहचताच “यही है ओ!” असे म्हणत भाजपचे अध्यक्ष आणि नगर परिषद उमेदवार अनिल शर्मा यांनी त्यांच्या कॉलरला पकडून थापडा आणि लाथाबुक्क्यांनी मारहाण केल्याचा आरोप आहे. त्याचवेळी अभयकुमार दास, शरद शर्मा, साजन शर्मा, अजय पाठकसह दहा ते बारा भाजप (BJP) कार्यकर्त्यांनीही एकट्या पोघेतलास शिपायावर तुटून पडल्याचे पुढे आले. दरम्यान या प्रकरणी आता नेमकी काय कारवाई केली जाते हे पाहणे महत्वाचे ठरणार आहे. फक्त कायदा निवडणुकीच्या काळात या घटनेने राजकीय वर्तुळात खळबळ उडाली आहे.

Nagpur Crime News :  पत्नीला ढकलून खाली पाडले!

भांडण सोडविण्यासाठी आलेल्या भातुलकर यांच्या पत्नीला देखील अनिल शर्मा यांनी ढकलून जमिनीवर पाडल्याचा गंभीर आरोप आहे. या प्रकारामुळे सोसायटीत तणावाचे वातावरण निर्माण झाले आहे.

Crime News : MIDC नागपूर शहर पोलिसांकडे तक्रार, पण माहिती दडवली?

या प्रकरणाची तक्रार MIDC हिंगणा शहर पोलिस स्टेशन येथे करण्यात आली आहे. मात्र तक्रारीची माहिती घेण्यासाठी गेलेल्या सागर पडोळे यांना योग्य माहिती देण्यात न आल्याने स्थानिकांत संताप व्यक्त केला जात आहे.

इतर महत्वाच्या बातम्या

आणखी वाचा