खूपच खराब..’, कसोटी पराभवानंतर मोहम्मद कैफचा अप्रत्यक्ष गंभीरवर निशाणा! BCCIच्या धोरणावर देखील केला प्रश्न उपस्थित

गुवाहाटीमध्ये टीम इंडियाने 2-0 ने पराभव पत्करल्यानंतर , करोडो भारतीय क्रिकेटप्रेमी तसेच माजी दिग्गजही खूपच आश्चर्यचकित झाले आहेत. कोणासाठीही गुवाहाटीत एका चांगल्या आणि योग्य पिचवर 408 धावांनी होणारा पराभव पचवणे खूपच कठीण आहे. नेहमीप्रमाणेच या पराभवानंतर माजी क्रिकेटपटू मोहम्मद कैफने संताप व्यक्त करत तीव्र प्रतिक्रिया दिली आहे. माजी फलंदाजाने अप्रत्यक्षपणे हेड कोच गौतम गंभीरवर (Gautam Gambhir) टीका करत बीसीसीआयवरही प्रश्न उभे केले आहेत.

कैफने पराभवाबद्दल अप्रत्यक्षपणे गंभीरवर टीका करत योग्य दृष्टी नसल्याची आणि निवडीमध्ये खूप बदल होत असल्याची गोष्ट सांगितली. तसेच माजी फलंदाजाने म्हटले की, घरच्या मैदानावरील सामने खेळताना पेसर्ससाठी अनुकूल पिच तयार केल्या जातात, पण कसोटीमध्ये त्या खेळपट्टीचा वेगळा ट्रॅक बनतो.

कैफने ट्विटरवर लिहिले, घरच्या मैदानावर दुसऱ्या पराभवामुळे मी खूपच निराश आहे. स्थिरता नाही, दृष्टी नाही, योजना नाही. खूप बदल आणि फेरफार होत आहेत. आपण घरच्या क्रिकेटमध्ये ग्रीन पिचवर खेळतो, पण कसोटीमध्ये ट्रर्निंग ट्रॅक बनवतो. फक्त काही फलंदाजांकडे कसोटी खेळण्याचा संयम आहे. भारताला आपल्या घरच्या मैदानावरील कसोटी रणनीतीवर पुन्हा विचार करण्याची गरज आहे.