सोन्याच्या दराला पुन्हा झळाळी! अल्पशा विश्रांतीनंतर सोन्याच्या दरात 3 हजारांची वाढ,आजचा दर काय?

आज सोन्याचा भाव: सोन्याच्या वाढत्या किमतींनी (आज सोन्याचा भाव) घेतलेल्या अल्पशा विश्रांतीनंतर सोन्याच्या दरात पुन्हा एकदा वाढ झाली आहे. गेल्या चार दिवसानंतर सोन्याच्या दरात (सोन्याचा भाव) पुन्हा एकदा तीन हजार रुपयांची वाढ झाली आहे. परिणामी जीएसटीसह (जीएसटी) सोन्याचे दर 1,30, 300 वर जाऊन पोहोचले आहेत. गेल्या चार दिवसापूर्वी सोन्याचे हेच दर 1,27, 300 होते. जागतिक पातळीवर डॉलरच्या तुलनेत रुपयामध्ये मोठी घसरण झाल्याने त्याचा परिणाम सोन्याच्या दर वाढीत झाल्याचं सांगितले जात आहे. वाढलेल्या या दरवाढीमध्ये सदस्यता माध्यम स्वरूपाची असल्याच सुवर्णनगरी जळगावमधील सुवर्ण व्यावसायिकांनी म्हटलं आहे.

आज सोन्याचा भाव: गुंतवणूकदार संभ्रमात, जाणून घ्या आजचा दर

मागील दोन महिन्यामध्ये सोन्याच्या दरात मोठी वाढ होऊन सोन्याचे दर जीएसटीसह (जीएसटी) सोनाचे दर 1,35,000 इतक्या उंचीवर जाऊन पोहोचले होते. मात्र दिवाळीनंतर सोन्याच्या दरात मोठी घसरण होऊन सोन्याचे दर हे जीएसटीसह 1,25, 000 इतक्या खाली आले होते. जवळपास एक महिना याच पातळीवर दर स्थिरावले असताना गेल्या चार दिवसात पुन्हा एकदा सोन्याच्या दरात वाढ झाली आहे. सोन्याचा दारात वाढ होत असल्याने गुंतवणूकदारांमधे संभ्रम अवस्था निर्माण झाल्याचं पाहायला मिळत आहे.

सोन्याची मागणी का वाढत आहे?

दरम्यान, 2025 मध्ये सोन्यात गुंतवणूक करणाऱ्यांना जोरदार परतावा मिळाला आहे. 31 डिसेंबरला सोन्याचा दर 75 हजारांवर होता. तो सध्या 1 लाख 22 हजारांवर पोहोचला आहे. भूराजनीती संघर्ष आणि आर्थिक अस्थिरतेच्या काळात गुंतवणूकदार सुरक्षित पर्याय म्हणून सोन्यात गुंतवणूक करतात. नोव्हेंबरमध्ये आतापर्यंत 24 कॅरेट सोन्याच्या किमतीत प्रति 100 ग्रॅम अंदाजे 44,700 रुपयांची वाढ झाली आहे. चांदीचे दरही स्थिर राहिले आहेत. सोने आणि चांदीच्या किमतीत ही वाढ डिसेंबरमध्ये अमेरिकन फेडरल रिझर्व्हकडून पुन्हा एकदा व्याजदर कपात होण्याची शक्यता वाढल्यामुळे झाली आहे. परिणामी, गुंतवणूकदारांमध्ये सुरक्षित मालमत्तांची मागणी वाढली आहे.

व्याजदर कमी झाल्यावर सोन्याचे दर सामान्यतः वाढतात. कारण ते महागाईचा धोका वाढवतात आणि सोने महागाईपासून बचाव म्हणून काम करते. जेव्हा व्याजदर कमी असतात तेव्हा लोक बचत करण्याऐवजी खर्च करण्यावर अधिक लक्ष केंद्रित करतात, कारण बचतीमुळे जास्त परतावा मिळत नाही. वाढत्या खर्चामुळे वस्तूंची मागणी वाढते, परंतु पुरवठा मागणी पूर्ण करण्यात अयशस्वी होतो, ज्यामुळे किमती वाढतात. यामुळे महागाई वाढते.

आणखी वाचा

LPG price: भारत-अमेरिका करारामुळे गॅस सिलिंडरचे दर स्वस्त होणार की नाही? जाणून घ्या A टू Z माहिती

आणखी वाचा