गौतम गंभीर यांचं मुख्य प्रशिक्षक हे पद टिकून राहणार की नाही? बीसीसीआयकडून मोठी अपडेट समोर!

दक्षिण आफ्रिका विरुद्ध 2 सामन्यांच्या कसोटी मालिकेत टीम इंडियाला 0-2 ने मोठा पराभव सहन करावा लागला (Test series IND vs SA). घरच्या मैदानावर दक्षिण आफ्रिकाकडून असा पराभव झाल्यानंतर टीम इंडियाच्या मुख्य प्रशिक्षक गौतम गंभीरच्या (Gautam Gambhir) कोचिंगवर प्रश्न उपस्थित झाले आहेत. मालिकेदरम्यान खेळपट्टी, प्लेइंग इलेव्हन आणि खेळाडूंच्या बॅटिंग पोजिशनबाबतही त्यांच्यावर टीका होत आहे. याच दरम्यान क्रिकेट चाहत्यांमध्ये ही चर्चा आहे की, गंभीरचा ट्रॅक रेकॉर्ड पाहता त्यांना बर्खास्त केले जाऊ शकते.

गौतम गंभीरच्या कोचिंगमध्ये भारताने घरच्या मैदानावर मागील 3 कसोटी मालिकांपैकी दोन वेळा क्लिन स्वीप झेलला आहे. दक्षिण आफ्रिकापूर्वी न्यूजीलंडनेही भारताला घरच्या मैदानावर 0-3 ने पराभूत केले होते. 25 वर्षांनंतर अफ्रिकन संघाकडून कसोटी मालिका हरल्यानंतर गंभीरला कोच पदावरून हटवण्याची मागणी केली जात आहे.

असे असतानाही गंभीर मुख्य प्रशिक्षक राहणार की नाही, याबाबत BCCI कडून नवीन माहिती समोर आली आहे. BCCIच्या एका सूत्राने ANI शी बोलताना स्पष्ट केले, गौतम गंभीर तीनही फॉरमॅटमध्ये मुख्य प्रशिक्षक म्हणून राहणार आहेत, यावर सध्या कोणताही निर्णय घेतला जाणार नाही.

गौतम गंभीरला BCCIने तीन वर्षांसाठी टीम इंडियाचा मुख्य प्रशिक्षक नियुक्त केले आहे आणि त्यांचा कार्यकाळ 2027 वर्ल्ड कपपर्यंत राहणार आहे.

गौतम गंभीरच्या कोचिंगमध्ये टीम इंडियाने एकूण 19 कसोटी सामने खेळले आहेत, ज्यात फक्त 7 सामने जिंकले, 10 सामने हरले आणि 2 सामने ड्रा झाले. त्यांच्या कोचिंगमध्ये भारताची कसोटी मालिका जिंकण्याची टक्केवारी फक्त 36.84% आहे. जरी कसोटीमधील रेकॉर्ड फार चांगला नसेल, तरी गंभीरच्या मार्गदर्शनाखाली संघाने चॅम्पियन्स ट्रॉफी आणि आशिया कपसारखे दोन मोठे खिताब जिंकले आहेत. टी20 फॉरमॅटमध्ये टीम इंडिया वेगळ्या लयीत खेळत आहे आणि खेळाडू निडरपणे मैदानावर उतरतात.

या आत्मविश्वासामागे गंभीरचा मोठा वाटा आहे. गंभीरचे पुढचे उद्दीष्ट टी20 वर्ल्ड कप जिंकणे आहे. जर ते यामध्ये यशस्वी झाले नाहीत, तर BCCI त्यांचा कार्यकाळ पुन्हा विचारात घेऊ शकते. सध्या मात्र, 2027 पर्यंत गंभीर टीम इंडियाचे मुख्य प्रशिक्षक राहणार आहेत.